കാസർകോട്: പരാതിക്കാരിയായ യുവതിയെ ലൈംഗികമായി ചൂഷണം ചെയ്ത
ക്രൈംബ്രാഞ്ച് ഇൻസ്‌പെക്ടറെ സർവ്വീസിൽ നിന്നും പിരിച്ചുവിട്ടു.കാസർകോട് ക്രൈംബ്രാഞ്ച് ഇൻസ്‌പെക്ടർ ആർ. ശിവശങ്കരനെതിരെയാണ് നടപടി. കേരള പോലീസ് ആക്ടിലെ 86(3) വകുപ്പ് അനുസരിച്ചാണ് നടപടി. സംസ്ഥാന പോലീസ് മേധാവി അനിൽ കാന്താണ് ഉത്തരവ് പുറപ്പെടുവിച്ചത്.
സർവ്വീസിൽ നിന്ന് പുറത്താക്കുന്നതിനാ മുൻപായി ശിവശങ്കരന് കാരണം കാണിക്കൽ നോട്ടീസ് നൽകിയിരുന്നു. ഇതിന് നൽകിയ മറുപടി തൃപ്തിരമല്ലാത്തതിനാൽ കഴിഞ്ഞ ദിവസം പോലീസ് മേധാവി ഇൻസ്‌പെക്ടറെ നേരിട്ട് കണ്ട് സംസാരിച്ചു. ആരോപണങ്ങൾക്ക് കഴമ്പുണ്ടെന്ന് മനസിലാവുകയും പിന്നാലെ ജോലിയിൽ നിന്ന് പിരിച്ചുവിടുകയായിരുന്നു.
ക്രൈംബ്രാഞ്ച് ഇൻസ്‌പെക്ടർ ആർ. ശിവശങ്കർ 2006 മുതൽ വിവിധ അച്ചടക്കനടപടികളുടെ ഭാഗമായി നാലുതവണ സസ്‌പെൻഷനിൽ ആയിട്ടുണ്ട്.വിവിധ കേസുകളിലായി ഇയാൾ 11 തവണ വകുപ്പുതല നടപടികൾക്ക് വിധേയനാവുകയും ചെയ്തിട്ടുണ്ട്. അനധികൃത സ്വത്ത് സമ്പാദനം, ലൈംഗിക പീഡനക്കേസ്, നിരപരാധികളെ കേസിൽപ്പെടുത്തൽ, അനധികൃതമായി അതിക്രമിച്ച് കടക്കൽ മുതലായ കുറ്റങ്ങൾക്കാണ് ശിവശങ്കർ വകുപ്പുതല നടപടികൾ നേരിട്ടത്.
