കൊച്ചി : മെഗാസ്റ്റാർ മമ്മൂട്ടിയെ നായകനാക്കി നവാഗതനായ റോബി വര്ഗീസ് രാജ് സംവിധാനം ചെയ്യുന്ന ചിത്രം കണ്ണൂര് സ്ക്വാഡിന്റെ ചിത്രീകരണം അവസാന ഘട്ടത്തിലേക്ക്. വയനാട് ഷെഡ്യൂള് പൂര്ത്തിയാക്കിയ ചിത്രം നിലവില് കൊച്ചി വെല്ലിങ്ടണ് ഐലന്ഡിലാണ് ചിത്രീകരിക്കുന്നത്. സിനിമയുടെ ചിത്രീകരണം ഈ മാസം 30 ഓടെ അവസാനിച്ചേക്കുമെന്നാണ് വിവരം.
കൊച്ചി കൂടാതെ പാലാ, കണ്ണൂർ, വയനാട്, അതിരപ്പിള്ളി, പൂനെ , മുംബൈ എന്നിവിടങ്ങളിലുമാണ് ചിത്രത്തിന്റെ ലൊക്കേഷനുകള്. മമ്മൂട്ടി കമ്പനിയാണ് ചിത്രത്തിന്റെ നിര്മ്മാണം. നൻപകൽ നേരത്ത് മയക്കം, റോഷാക്ക്, കാതൽ എന്നിവയ്ക്കു ശേഷം മമ്മൂട്ടി കമ്പനി നിര്മ്മിക്കുന്ന ചിത്രമാണ് കണ്ണൂര് സ്ക്വാഡ് . മുഹമ്മദ് ഷാഫിയുടേതാണ് ചിത്രത്തിന്റെ കഥ. നടന് റോണി ഡേവിഡ് രാജ് ആണ് അദ്ദേഹത്തോടൊപ്പം ചേർന്ന് തിരക്കഥ ഒരുക്കിയിരിക്കുന്നത്. മുഹമ്മദ് റാഹിൽ ഛായാഗ്രഹണം നിർവ്വഹിക്കുന്ന ചിത്രത്തിന് സംഗീതം പകരുന്നത് സുഷിൻ ശ്യാം ആണ് എഡിറ്റിംഗ് പ്രവീൺ പ്രഭാകറുമാണ്.
Discussion about this post