മൊഹാലി: ഐപിഎല്ലിൽ കൊൽക്കത്ത നൈറ്റ് റൈഡേഴ്സിനെതിരെ പഞ്ചാബ് കിംഗ്സിന് മികച്ച സ്കോർ. ടോസ് നേടി ബൗളിംഗ് തിരഞ്ഞെടുത്ത കൊൽക്കത്തക്കെതിരെ പഞ്ചാബ് 20 ഓവറിൽ 5 വിക്കറ്റിന് 191 റൺസെടുത്തു. ഭാനുക രജപക്സയുടെയും ക്യാപ്ടൻ ശിഖർ ധവാന്റെയും തകർപ്പൻ ബാറ്റിംഗാണ് പഞ്ചാബിന് മികച്ച സ്കോർ സമ്മാനിച്ചത്.
12 പന്തിൽ 23 റൺസെടുത്ത പ്രഭ്സിമ്രാൻ സിംഗ് പഞ്ചാബിന് മികച്ച തുടക്കമാണ് നൽകിയത്. പ്രഭ്സിമ്രാനെ സൗത്തി മടക്കിയതോടെ രണ്ടാം വിക്കറ്റിൽ ഒത്തു ചേർന്ന ധവാനും രജപക്സയും ചേർന്ന് കൊൽക്കത്ത ബൗളർമാരെ തലങ്ങും വിലങ്ങും പ്രഹരിച്ചു. ഇരുവരും ക്രീസിൽ നിൽക്കെ, സ്കോർ 200 കടക്കും എന്ന തോന്നലുണ്ടായി. എന്നാൽ, ഇരുവരും മടങ്ങിയതോടെ, സ്കോറിംഗ് വേഗം അൽപ്പം മെല്ലെയായി. രജപക്സ 50 റൺസും ധവാൻ 40 റൺസുമെടുത്ത് പുറത്തായി.
കൊൽക്കത്തക്ക് വേണ്ടി ടിം സൗത്തി 2 വിക്കറ്റ് വീഴ്ത്തിയെങ്കിലും 4 ഓവറിൽ 54 റൺസ് വഴങ്ങി. ഉമേഷ് യാദവ്, വരുൺ ചക്രവർത്തി എന്നിവർ സാമാന്യം നന്നായി പന്തെറിഞ്ഞു. ഇരുവർക്കും ഓരോ വിക്കറ്റ് വീതം ലഭിച്ചു. സുനിൽ നരെയ്നും ഒരു വിക്കറ്റുണ്ട്.
Discussion about this post