പ്രേക്ഷകർ ഏറെ ആകാംഷയോടെ കാത്തിരുന്ന അല്ലു അര്ജുന് ചിത്രം പുഷ്പ 2 ന്റെ പ്രൊമോ പുറത്തിറങ്ങി.”തിരുപ്പതി ജയിലില് നിന്നും വെടിയേറ്റ മുറിവുകളുമായി രക്ഷപെട്ട പുഷ്പ ഇപ്പോള് ജീവനോടെയുണ്ടോ എന്ന ആശങ്കയിലാണ് ജനം. ഇതിനിടെ വനമേഖലയില് വന്യജീവി നിരീക്ഷണത്തിനായി സ്ഥാപിക്കപ്പെട്ട ക്യാമറയിലെ ദൃശ്യങ്ങള് ടെലിവിഷനിലൂടെ ജനം കാണുന്ന രീതിയിലാണ് ”പുറത്തെത്തിയ പ്രൊമോ വീഡിയോ.
2021ൽ പുറത്തിറങ്ങിയ ‘പുഷ്പ ദി റൈസ്’ വൻ വിജയമായിരുന്നു. അല്ലു അര്ജുന്റെ കരിയറിലെ ഏറ്റവും വലിയ വിജയമായ ചിത്രമായിരുന്നു. ചിത്രത്തിന്റെ ഹിന്ദി പതിപ്പ് മാത്രം 200 കോടി ക്ലബ്ബില് ഇടംപിടിച്ചിരുന്നു.
കഴിഞ്ഞ വര്ഷം ഓഗസ്റ്റ് 22ന് ആയിരുന്നു രണ്ടാം ഭാഗത്തിന്റെ പൂജ ചടങ്ങുകള് നടന്നത്. ആദ്യ ഭാഗം വന് വിജയം നേടിയതുകൊണ്ടുതന്നെ മുന്പ് കെജിഎഫ് സീക്വലിന് ഉണ്ടായിരുന്നതുപോലെ ഒരു പാന് ഇന്ത്യന് കാത്തിരിപ്പ് പുഷ്പ 2 വിനായും ഉണ്ട്. അതുകൊണ്ട് തന്നെ ആദ്യ ഭാഗത്തേക്കാള് കൂടുതല് ഗംഭീരവുമായിരിക്കും രണ്ടാം ഭാഗമെന്നാണ് അണിയറക്കാര് അറിയിച്ചിരിക്കുന്നത്.
രക്ത ചന്ദന കടത്തുകാരനായ പുഷ്പരാജിന്റെ വളര്ച്ചയായിരുന്നു ആദ്യ ഭാഗമായ പുഷ്പ ദ് റൈസ് പറഞ്ഞത്. അധികാരം കൈയാളുന്ന നായക കഥാപാത്രമാണ് രണ്ടാം ഭാഗത്തില്. പുഷ്പ ദ് റൂള് എന്നാണ് രണ്ടാം ഭാഗത്തിന്റെ പേര്. സുകുമാർ ആണ് പുഷ്പ-2 ൻറെ രചനയും സംവിധാനവും നിർവ്വഹിക്കുന്നത്.മൈത്രി മൂവി മേക്കേഴ്സിൻറെ ബാനറിൽ നവീൻ യെർനേനി,രവി ശങ്കർ യാലമനച്ചിൽ എന്നിവർ ചേർന്നാണ് ചിത്രം നിർമ്മിക്കുന്നത്.ചന്ദ്രബോസിൻറെ വരികൾക്ക് സംഗീതം നൽകിയിരിക്കുന്നത് ദേവി ശ്രീ പ്രസാദാണ്.
