കൊൽക്കത്ത: ഐപിഎല്ലിൽ കൊൽക്കത്ത നൈറ്റ് റൈഡേഴ്സിനെതിരെ സൺറൈസേഴ്സ് ഹൈദരാബാദിന് കൂറ്റൻ സ്കോർ. ടോസ് നഷ്ടമായി ബാറ്റിംഗിന് അയക്കപ്പെട്ട ഹൈദരാബാദ് 20 ഓവറിൽ 4 വിക്കറ്റ് നഷ്ടത്തിൽ 228 റൺസ് അടിച്ചുകൂട്ടി. സെഞ്ച്വറിയുമായി പുറത്താകാതെ നിന്ന ഓപ്പണർ ഹാരി ബ്രൂക്കിന്റെയും അർദ്ധ സെഞ്ച്വറി നേടിയ ക്യാപ്ടൻ ഏയ്ദൻ മാർക്രാമിന്റെയും തകർപ്പൻ ബാറ്റിംഗാണ് ഹൈദരാബാദിന് കൂറ്റൻ സ്കോർ സമ്മാനിച്ചത്.
55 പന്തിൽ 12 ബൗണ്ടറികളുടെയും 3 സിക്സറുകളുടെയും അകമ്പടിയോടെ ബ്രൂക്ക് 100 റൺസുമായി പുറത്താകാതെ നിന്നു. മാർക്രാം 26 പന്തിൽ 50 റൺസ് നേടി. അഭിഷേക് ശർമ്മ 17 പന്തിൽ 32 റൺസെടുത്തു.
കൊൽക്കത്തക്ക് വേണ്ടി ആന്ദ്രേ റസൽ 3 വിക്കറ്റ് വീഴ്ത്തി. പേശിവലിവ് മൂലം 2.1 ഓവർ മാത്രം എറിഞ്ഞ റസൽ മടങ്ങിയത് കൊൽക്കത്ത ക്യാമ്പിൽ ആശങ്ക ഉണർത്തുന്നുണ്ട്. വരുൺ ചക്രവർത്തിക്ക് ഒരു വിക്കറ്റ് ലഭിച്ചു. 4 ഓവറിൽ 28 റൺസ് വഴങ്ങിയ സുനിൽ നരെയ്ൻ ഒഴികെ മറ്റെല്ലാ കൊൽക്കത്ത ബൗളർമാരും 10 റൺസിന് മുകളിൽ ഇക്കോണമിയിൽ തല്ല് വാങ്ങി.
Discussion about this post