ന്യൂഡൽഹി : പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തി ആപ്പിൽ സിഇഒ ടിം കുക്ക്. കമ്പനിയെ ഇന്ത്യയിൽ വളർത്താനും രാജ്യത്ത് നിക്ഷേപം നടത്താനും താത്പര്യമുണ്ടെന്ന് ടിം കുക്ക് അറിയിച്ചു. ട്വിറ്ററിലൂടെയാണ് അദ്ദേഹം ഇക്കാര്യം അറിയിച്ചത്.
ആപ്പിളിന്റെ ഇന്ത്യയിലെ ആദ്യത്തെ റീട്ടെയിൽ സ്റ്റോർ ആരംഭിച്ചതിന് പിന്നാലെയാണ് ടിം കുക്ക് പ്രധാനമന്ത്രിയെ സന്ദർശിച്ചത്. ”ഊഷ്മളമായ സ്വീകരണം ഒരുക്കിയതിന് പ്രധാനമന്ത്രിക്ക് നന്ദി അറിയിക്കുന്നു. ഭാവിയിൽ സാങ്കേതികവിദ്യ ചെലുത്തുന്ന നല്ല സ്വാധീനത്തെക്കുറിച്ചുള്ള കാഴ്ചപ്പാട് ഞങ്ങൾ പങ്കുവെക്കുന്നു. രാജ്യത്തിന്റെ വളർച്ചയ്ക്ക് പിന്തുണ നൽകുന്നതിന്റെ ഭാഗമായി കമ്പനി വ്യാപിപ്പിക്കാനും ഇന്ത്യയിൽ നിക്ഷേപം നടത്താനും ആഗ്രഹിക്കുന്നു,” അദ്ദേഹം അറിയിച്ചു.
കുക്കിന്റെ ട്വീറ്റിന് മറുപടിയായി, ഇന്ത്യയിൽ നടക്കുന്ന സാങ്കേതിക വിദ്യാധിഷ്ഠിത വിപ്ലവങ്ങളിൽ പ്രത്യേക ശ്രദ്ധ കേന്ദ്രീകരിച്ച് വിവിധ വിഷയങ്ങൾ ചർച്ച ചെയ്തതിൽ പ്രധാനമന്ത്രി സന്തോഷം പ്രകടിപ്പിച്ചു.
Thank you Prime Minister @narendramodi for the warm welcome. We share your vision of the positive impact technology can make on India’s future — from education and developers to manufacturing and the environment, we’re committed to growing and investing across the country. pic.twitter.com/xRSjc7u5Ip
— Tim Cook (@tim_cook) April 19, 2023
ടിം കുക്കിന്റെ ട്വീറ്റിന് മറുപടിയുമായി നരേന്ദ്ര മോദിയും രംഗത്തെത്തി. “നിങ്ങളെ കണ്ടതിൽ തികഞ്ഞ സന്തോഷം ടിം കുക്ക്. വൈവിധ്യമാർന്ന വിഷയങ്ങളിൽ കാഴ്ച്ചപ്പാടുകൾ കൈമാറുന്നതിലും ഇന്ത്യയിൽ നടക്കുന്ന സാങ്കേതിക വിദ്യാധിഷ്ഠിത പരിവർത്തനങ്ങളെ എടുത്തുകാട്ടുണിക്കുന്നതിലും സന്തോഷമുണ്ട്” അദ്ദേഹം പറഞ്ഞു.
Discussion about this post