റായ്പൂർ: ഛത്തീസ്ഗഡിൽ വീണ്ടും അക്രമം അഴിച്ചുവിട്ട് കമ്യൂണിസ്റ്റ് ഭീകരർ. രണ്ട് ട്രക്കുകൾ അഗ്നിക്കിരയാക്കി. തിങ്കളാഴ്ച രാവിലെ സുഖ്മ ജില്ലയിലായിരുന്നു സംഭവം.
ഫുൽഭാഗ്ഡി പോലീസ് സ്‌റ്റേഷൻ പരിധിയിലായിരുന്നു ആക്രമണം ഉണ്ടായത്. റോഡ് പണിയ്ക്കായി എത്തിച്ച ട്രക്കുകളാണ് തീവച്ച് നശിപ്പിച്ചത് എന്നാണ് റിപ്പോർട്ടുകൾ. സംഭവത്തിൽ ആളപായമില്ല. ആക്രമണത്തിൽ ഇരു ട്രക്കുകളും പൂർണമായി കത്തിനശിച്ചു.
സംഭവത്തിൽ ഡിസ്ട്രിക്റ്റ് റിസർവ് ഗാർഡ് വിശദമായ അന്വേഷണം ആരംഭിച്ചു. ആക്രമണമുണ്ടായതിനെ പിന്നാലെ പ്രദേശത്ത് സേനാംഗങ്ങൾ എത്തി പരിശോധന നടത്തി. ഇവരാണ് പ്രദേശത്ത് നിന്നും തൊഴിലാളികളെ രക്ഷിച്ചത്. സംഭവ സ്ഥലത്തിനോട് ചേർന്നുള്ള വനമേഖലയിൽ കമ്യൂണിസ്റ്റ് ഭീകരർ ഒളിച്ചിരിപ്പുണ്ടെന്നാണ് സൂചന. ഇതിന്റെ അടിസ്ഥാനത്തിൽ ഇവിടെയും പരിശോധന നടത്തിയിരുന്നു.
