തിരുവനന്തപുരം : കർണാടകയിൽ കേൺഗ്രസിന്റേത് ആവേശകരമായ വിജയമെന്ന് സിപിഎം സംസ്ഥാന സെക്രട്ടറി എംവി ഗോവിന്ദൻ. കോൺഗ്രസ് കൂടുതൽ ഗൗരവത്തോടെ മുന്നോട്ട് പോകണമെന്നും ബിജെപി വിരുദ്ധ ആശയത്തിന് ഉന്നൽ കൊടുക്കണമെന്നും ഗോവിന്ദൻ ആവശ്യപ്പെട്ടു.
എല്ലാ സംസ്ഥാനങ്ങളിലും ബിജെപി വിരുദ്ധ വോട്ടുകൾ ഏകീകരിക്കപ്പെടണം. കർണാടകത്തിൽ ബിജെപിയെ തറപറ്റിക്കാനായി എന്നത് ഇന്ത്യൻ രാഷ്ട്രീയത്തിലെ ശ്രദ്ധേയമായ കാൽവെയ്പ്പാണ്. ദക്ഷിണേന്ത്യയിൽ നിന്ന് ബിജെപിയെ തൂത്തുമാറ്റാൻ സാധിച്ചിരിക്കുന്നു. ഇനി 2024ലെ തിരഞ്ഞെടുപ്പിൽ ബിജെപിയെ തോൽപ്പിക്കണമെന്നും എംവി ഗോവിന്ദൻ ഉപദേശിച്ചു.
ഒരു അഗ്നിപർവതത്തിൻറെ മുകളിലാണ് ഇന്ത്യ. അതിനെ പ്രതിരോധിക്കാനുള്ള ഊർജം കർണാടക തിരഞ്ഞെടുപ്പിലൂടെ ബിജെപി വിരുദ്ധ ശക്തികൾക്ക് ലഭിച്ചു. എന്നാൽ, ഇന്ത്യയിൽ ബിജെപിയെ തകർക്കാനാകുക കോൺഗ്രസിന് മാത്രമാണെന്ന വാദം ശരിയല്ല. അത് കോൺഗ്രസിനെ അറിയാവുന്ന എല്ലാവർക്കും അറിയാമെന്നും ദോവിന്ദൻ കൂട്ടിച്ചേർത്തു.
