ചെന്നെെ: തമിഴ്നാട്ടിലെ പ്രമുഖ സിനിമാ നിർമ്മാതാക്കളായ ലൈക പ്രൊഡക്ഷൻസിൽ എൻഫോഴ്സ്മെന്റ് ഡയറക്ടറേറ്റിന്റെ പരിശോധന. ചെന്നൈയിലെ ഓഫീസടക്കം 10 ഇടങ്ങളിലാണ് പരിശോധന നടക്കുന്നത്. കള്ളപ്പണവുമായി ബന്ധപ്പെട്ട് ലഭിച്ച പരാതിയുടെ അടിസ്ഥാനത്തിലാണ് പരിശോധന നടക്കുന്നതെന്നാണ് വിവരം.
മണിരത്നം സംവിധാനം ചെയ്ത പൊന്നിയിൻ ശെൽവൻ 1, പൊന്നിയിൻ ശെൽവൻ 2, കമൽഹാസനെ നായകനാക്കി ലോകേഷ് കനകരാജ് ഒരുക്കിയ വിക്രം ഉൾപ്പെടെയുളള ബ്രഹ്മാണ്ഡ ചിത്രങ്ങളുടെ നിർമ്മാതാക്കളാണ് ലൈക പ്രൊഡക്ഷൻസ്. രണ്ട് ബ്രഹ്മാണ്ഡ ചിത്രങ്ങളുടെ തുടർവിജയത്തിന് പിന്നാലെയാണ് നിർമ്മാണ കമ്പനിയിലെ ഇഡി പരിശോധന.
ലൈക പ്രൊഡക്ഷൻസ് മേധാവിയും പ്രമുഖ നിർമ്മാതാവുമായ എ സുബാസ്കരന്റെ വസതിയിലും ഇഡി ഉദ്യോഗസ്ഥർ വ്യാപക പരിശോധന നടത്തിയതായി റിപ്പോർട്ടുകളുണ്ട്. ഇഡി ഉദ്യോഗസ്ഥർ നടത്തിയ റെയ്ഡിൽ പല സുപ്രധാന രേഖകളും പിടിച്ചെടുത്തതായി വിവരങ്ങളുണ്ട്.
Discussion about this post