ബംഗളൂരു: കേന്ദ്ര ധനമന്ത്രി നിർമ്മല സീതാരാമന്റെ മകൾ പരകല വാംഗമയി വിവാഹിതയായി. ഇന്നലെ ബംഗളൂരുവിലെ വീട്ടിൽ നടന്ന വിവാഹച്ചടങ്ങുകളിൽ അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്. പ്രതീക് ദോഷിയാണ് വരൻ. ബ്രാഹ്മണ ആചാരപ്രകാരമായിരുന്നു വിവാഹ ചടങ്ങുകൾ.
ഉഡുപ്പി അടമരു മഠത്തിൽ നിന്നുള്ള യോഗികളാണ് വിവാഹച്ചടങ്ങുകൾക്ക് നേതൃത്വം നൽകിയത്. നോർത്ത് വെസ്റ്റേൺ മെഡിലെ സ്കൂൾ ഓഫ് ജേർണലിസത്തിൽ നിന്ന് ബിരുദാനന്തര ബിരുദം നേടിയ പരകല, മിന്റ് ഫീച്ചർ ഡിപ്പാർട്ട്മെന്റിലെ ബുക്സ് ആൻഡ് കൾച്ചർ വിഭാഗത്തിലാണ് നിലവിൽ ജോലി ചെയ്യുന്നത്. ദി ഹിന്ദുവിൽ ഫീച്ചർ റൈറ്ററായും പരകല സേവനം അനുഷ്ഠിച്ചിട്ടുണ്ട്.
ഗുജറാത്ത് സ്വദേശിയാണ് വരൻ പ്രതീക് ദോഷി. പിഎംഒ ഓഫീസിലാണ് പ്രതീക് ജോലി ചെയ്യുന്നത്. 2014ൽ നരേന്ദ്രമോദി ആദ്യമായി പ്രധാനമന്ത്രിയായപ്പോഴാണ് പ്രതീക് ഇവിടേക്ക് മാറുന്നത്. 2019ൽ രണ്ടാം ടേമിൽ പിഎംഒയിൽ ഓഫീസർ ഓൺ സ്പെഷ്യൽ ഡ്യൂട്ടി ആയി പ്രതീക് ജോലി ചെയ്യുന്നു. നരേന്ദ്രമോദി ഗുജറാത്ത് പ്രധാനമന്ത്രിയായിരുന്ന സമയത്ത് അദ്ദേഹത്തിന്റെ ഓഫീസിലെ റിസർച്ച് അസിസ്റ്റന്റ് കൂടിയായിരുന്നു പ്രതീക്.
