കോട്ടക്കൽ: മലപ്പുറം കോട്ടക്കലിൽ പിടികിട്ടാപ്പുള്ളിയും ബംഗാളി യുവതിയും കഞ്ചാവുമായി പിടിയിൽ. രഹസ്യവിവരത്തെ തുടർന്ന് കോട്ടക്കൽ പോലീസ് നടത്തിയ പരിശോധനയിലാണ് 12 കിലോ കഞ്ചാവ് പിടികൂടിയത്. നിലമ്പൂർ അമരമ്പലം കൂറ്റമ്പാറ കല്ലായി അബ്ദുൾ സലാം(34), വെസ്റ്റ് ബംഗാൾ സ്വദേശിനി ബർദമൻ ദാലിഖത്തൂൻ എന്ന നജ്മ(36 ) എന്നിവരാണ് പിടിയിലായത്. ഇൻസ്പെക്ടർ അശ്വിത് കാരന്മയിലിന്റെ നിർദ്ദേശപ്രകാരമാണ് ഇരുവരേയും എസ്ഐ കെ.എസ് പ്രിയൻ അറസ്റ്റ് ചെയ്തത്.
Discussion about this post