വാഷിംഗ്ടൺ: ചരിത്രപരമായ അമേരിക്കൻ സന്ദർശനം പൂർത്തിയാക്കിയതിന് ശേഷം പ്രധാനമന്ത്രി നരേന്ദ്രമോദി അമേരിക്കയിലേക്ക് പുറപ്പെട്ടു. പ്രധാനമന്ത്രിയുടെ ആദ്യ ഈജിപ്ത് സന്ദർശനമാണിത്. പ്രസിഡന്റ് അബ്ദുൽ ഫത്താഹ് എൽ സിസിയുടെ പ്രത്യേക ക്ഷണപ്രകാരമാണ് രണ്ട് ദിവസത്തെ സന്ദർശനത്തിനായി ഈജിപ്തിലെത്തുന്നത്.
ഈജിപ്തിലേക്ക് 1997ന് ശേഷം ആദ്യമായി ഒരു ഇന്ത്യൻ പ്രധാനമന്ത്രി നടത്തുന്ന ഉഭയകക്ഷി സന്ദർശനം കൂടിയാണ്. മൂന്ന് ദിവസത്തെ അമേരിക്കൻ സന്ദർശനം പൂർത്തിയാക്കിയാണ് അദ്ദേഹം ഈജിപ്തിലേക്ക് യാത്ര തിരിച്ചത്. പ്രസിഡന്റ് ബൈഡന്റെയും പ്രഥമ വനിത ജിൽ ബൈഡന്റെയും ക്ഷണപ്രകാരമാണ് മോദി അമേരിക്കയിലെത്തിയത്.
കഴിഞ്ഞ ദിവസം ഇരു നേതാക്കളും തമ്മിൽ ചർച്ച നടത്തുകയും വൈറ്റ് ഹൗസിൽ നടന്ന അത്താഴ വിരുന്നിൽ പ്രധാനമന്ത്രി പങ്കെടുക്കുകയും ചെയ്തിരുന്നു. പ്രതിരോധം, ബഹിരാകാശം, വ്യാപാരം തുടങ്ങിയ സുപ്രധാന മേഖലകളിൽ സഹകരണം വർധിപ്പിക്കാനും ഇരു രാജ്യങ്ങളും തീരുമാനമായിട്ടുണ്ട്. യുഎസ് കോൺഗ്രസിന്റെ സംയുക്ത സമ്മേളനത്തെ പ്രധാനമന്ത്രി അഭിസംബോധന ചെയ്ത് സംസാരിച്ചിരുന്നു.
Discussion about this post