പത്തനംതിട്ട: ബസിനുള്ളിൽ വച്ച് തന്നെ പീഡിപ്പിക്കാൻ ശ്രമിച്ച സർക്കാർ ഉദ്യോഗസ്ഥനെ കുരുക്കി പതിനേഴുകാരൻ. സ്വകാര്യ ബസിനുള്ളിൽ വച്ചായിരുന്നു പീഡനശ്രമം. പത്തനംതിട്ടയിൽ തട്ട എന്ന സ്ഥലത്ത് വച്ചായിരുന്നു പതിനേഴുകാരന് നേരെ ലൈംഗിക അതിക്രമം ഉണ്ടായത്.
ബസിനുള്ളിൽ കുട്ടിയുടെ അടുത്ത് വന്നിരുന്ന ഇയാൾ ഉപദ്രവിക്കാൻ ശ്രമിക്കുകയായിരുന്നു. ഇതോടെ ഉപദ്രവിക്കാൻ ശ്രമിക്കുന്നതിന്റെ വീഡിയോ പതിനേഴുകാരൻ തന്റെ ഫോണിൽ ചിത്രീകരിച്ചു. ശല്യം കൂടിയതോടെ പ്രതി ബസിനുള്ളിൽ നിന്ന് ഇറങ്ങിയോടി രക്ഷപെട്ടു. ഈ കുട്ടിയുടെ പരാതിയിൽ കൊടുമൺ പോലീസ് പോക്സോ വകുപ്പ് ചുമത്തി കേസ് എടുത്തിട്ടുണ്ട്.
പന്തളം തെക്കേക്കര പഞ്ചായത്തിലെ ഓവർസിയറാണ് പ്രതി. സംഭവത്തിന് പിന്നാലെ ഒളിവിൽ പോയ ഇയാൾക്ക് വേണ്ടി അന്വേഷണം ഊർജിതമാക്കിയിട്ടുണ്ട്. പരാതിയിൽ ഉറച്ചുനിൽക്കുന്നുവെന്നും കേസുമായി മുന്നോട്ടുപോകുമെന്നും പതിനേഴുകാരൻ അറിയിച്ചിട്ടുണ്ട്.
Discussion about this post