പിതൃതർപ്പണത്തിനായി യു കെയിലും അവസരം. കർക്കിടക വാവിന് നാഷണൽ കൗൺസിൽ ഫോർ ഹിന്ദു ഹെറിറ്റേജിന്റെ നേതൃത്വത്തിൽ പിതൃതർപ്പണം നോട്ടിംഹാമിൽ– ജൂലൈ 17 തിങ്കളാഴ്ച

കർക്കിടകവാവ് ദിവസത്തിൽ കേരളത്തിലുള്ളവർ എല്ലാവരും പിതൃതർപ്പണത്തിനായി ആലുവ മണപ്പുറത്തേക്കും തിരുനാവായിലേക്കും വർക്കലയിലെ പാപനാശത്തേക്കുമൊക്കെ പോകുമ്പോൾ മൺമറഞ്ഞ പൂർവികർക്ക് അർഹിക്കുന്ന തിലോദകം നൽകാനാവാതെ പ്രവാസികൾ വിഷമിക്കാറുണ്ട്. അതുകൊണ്ടുതന്നെ പ്രവാസികൾ ഏറ്റവും കൂടുതൽ സങ്കടപ്പെടുന്ന ഒരു ദിനം കർക്കിടക വാവ് ദിവസമാണ്. മാത്രവുമല്ല പ്രാദേശിക ഗവൺമെന്റിന്റെയും വിവിധ പരിസ്ഥിതി വകുപ്പുകളുടെയും അനുമതിയില്ലാതെ യുകെയിൽ ജലാശയങ്ങളിൽ തർപ്പണം ചെയ്യാനും കഴിയില്ല.

ആ അവസരത്തിലാണ് നാഷണൽ കൗൺസിൽ ഫോർ കേരള ഹിന്ദു ഹെറിറ്റേജ് യു കെ എല്ലാ കൊല്ലവും പിതൃതർപ്പണ ദിനം ആചരിക്കുന്നതിനായുള്ള സൗകര്യങ്ങൾ ഒരുക്കുവാൻ തീരുമാനിച്ചത്. യുകെയിൽ നോട്ടിങ്ഹാമിലെ River Trent പിതൃ തർപ്പണ വേദിയിൽ ആണ് ഇതിനു വേണ്ട സൗകര്യം ഒരുക്കിയിരിക്കുന്നത്. പിതൃതർപ്പണം നടത്തുവാനായി പ്രാദേശിക ഗവൺമെൻ്റ് സംവിധാനങ്ങളുടെയും വകുപ്പുകളുടെയും പ്രത്യേക അനുമതി വാങ്ങിയ ശേഷമാണ് ഈ വേദി ഒരുക്കിയിരിക്കുന്നത്.

നോട്ടിംഹാം ട്രെൻഡ് നദിക്കരയിലെ ഈ താഴ്വരയിൽ പിതൃതർപ്പണത്തിനായി എത്തുന്നവർക്ക് എല്ലാവിധ സൗകര്യങ്ങളും നാഷണൽ കൗൺസിൽ ഫോർ കേരള ഹിന്ദു ഹെറിറ്റേജ് ഒരുക്കിയിട്ടുണ്ട്. തർപ്പണത്തിന് വേണ്ട പൂജാ സാമഗ്രികളും കാർമ്മികരും അവിടെ ലഭ്യമായിരിക്കും.

ജൂലായ് 17 നാണ് ചടങ്ങുകൾ നടക്കുക. രാവിലെ 9 മണി മുതൽ ഉച്ചയ്ക്ക് ഒന്നര വരെ പിതൃതർപ്പണത്തിനുള്ള സൗകര്യങ്ങൾ അവിടെ ഒരുക്കിയിട്ടുണ്ട്.

കഴിഞ്ഞ അനേകം കൊല്ലങ്ങളായി നാഷണൽ കൗൺസിൽ ഫോർ കേരള ഹിന്ദു ഹെറിറ്റേജിന്റെ ആഭിമുഖ്യത്തിൽ ഈ പ്രദേശത്ത് ആയിരക്കണക്കിന് ആൾക്കാർ തങ്ങളുടെ പൂർവികർക്ക് തിലോദകം സമർപ്പിച്ചിട്ടുണ്ട്.

അഖിലപിതൃക്കളുടെയും മോക്ഷത്തിനായി പ്രാർത്ഥിച്ച്, തിലോദകം സമർപ്പിക്കുവാനായുള്ള ദിനത്തിൽ ബലിയിട്ടാൽ പിതൃക്കൾക്കു മോക്ഷം കിട്ടുമെന്നു വിശ്വാസം. പരേതാത്മാക്കളുടെ സദ്ഗതിക്കായി വിധിപ്രകാരം ശ്രദ്ധയോടെ ചെയ്യേണ്ടത് കൊണ്ട് ‘ശ്രാദ്ധം’ എന്നും പിതൃതർപ്പണ ചടങ്ങുകളെ ആചാര്യന്മാർ വിശേഷിപ്പിച്ചിട്ടുണ്ട്.

നാഷണൽ കൗൺസിൽ ഓഫ് കേരള ഹിന്ദു ഹെറിറ്റേജിൻ്റെ ആഭിമുഖ്യത്തിൽ ജൂലായ് 17 തിങ്കളാഴ്ച നോട്ടിങ്ഹാമിന് സമീപമുള്ള River Trent പിതൃ തർപ്പണ വേദിയിലേക്ക് എല്ലാ വിശ്വാസികളെയും സാദരം സ്വാഗതം ചെയ്ത് കൊള്ളുന്നു.

വിശദ വിവരങ്ങൾക്കും രജിസ്ട്രേഷൻ നിർദേശങ്ങൾക്കും
ദയവായി താഴെ കൊടുത്തിരിക്കുന്ന നമ്പരുകളിൽ ബന്ധപ്പെടുക.

സുരേഷ് ശങ്കരൻകുട്ടി – 07940 658142
ഗോപകുമാർ – 07932 672467
പ്രശാന്ത് – 07863 978338

അല്ലെങ്കിൽ താഴെ കൊടുത്തിരിക്കുന്ന ഇവൻ്റ് ലിങ്കിൽ രജിസ്റ്റർ ചെയ്താലും മതിയാവും.

രജിസ്റ്റർ ചെയ്യാനുള്ള ലിങ്ക്

കൂടുതൽ വിവരങ്ങൾക്ക് ബന്ധപ്പെടുക

സുരേഷ് ശങ്കരൻകുട്ടി – 07940 658142
ഗോപകുമാർ – 07932 672467
പ്രശാന്ത് – 07863 978338

Date and time

Monday, 17 Jul 2023
09:00 – 13:30 BST

Location

TRENT VALLEY
Nottingham
NG11 8NH