18 വർഷങ്ങൾക്കു മുമ്പ് തെന്നിന്ത്യൻ ബോക്സ് ഓഫീസുകളിൽ ചരിത്രം സൃഷ്ടിച്ച ചന്ദ്രമുഖിയുടെ രണ്ടാം ഭാഗമായ ചന്ദ്രമുഖി 2 ലെ ആദ്യ ഗാനം പുറത്തിറങ്ങി. നായിക കങ്കണ റനൗട്ടിന്റെ നൃത്തരംഗങ്ങൾ ഉൾപ്പെടുന്ന ലിറിക്കൽ വീഡിയോ ആയാണ് ഗാനം പുറത്തിറക്കിയിട്ടുള്ളത്. സോണി മ്യൂസിക് സൗത്ത് യൂട്യൂബ് ചാനലിലൂടെ പുറത്തിറക്കിയ സ്വാഗതാഞ്‌ജലി എന്ന ഗാനത്തിന് നിമിഷങ്ങൾക്കകം തന്നെ വലിയ പ്രേക്ഷക ശ്രദ്ധയാണ് ലഭിച്ചിരിക്കുന്നത്.
എം എം കീരവാണിയാണ് ഈ മനോഹര ഗാനത്തിന്റെ സംഗീതസംവിധാനം നിർവഹിച്ചിരിക്കുന്നത്. വരികൾ എഴുതിയിരിക്കുന്നത് ചൈതന്യ പ്രസാദ് ആണ്. ശ്രീനിധി തിരുമല ആണ് സ്വാഗതാഞ്‌ജലി എന്ന ഗാനം ആലപിച്ചിരിക്കുന്നത്. കങ്കണ റനൗട്ടും രാഘവ ലോറൻസും ഉൾപ്പെടെയുള്ള താരങ്ങളെ ഗാനത്തിൽ കാണാൻ കഴിയുന്നതാണ്.
കങ്കണയുടെ മനോഹരമായ വേഷഭൂഷാദികളും നൃത്തവും തന്നെയാണ് ഗാനത്തെ കൂടുതൽ ശ്രദ്ധേയമാക്കുന്നത്. ചന്ദ്രമുഖി എന്ന കേന്ദ്ര കഥാപാത്രത്തെ ആണ് കങ്കണ ഈ സിനിമയിൽ അവതരിപ്പിക്കുന്നത്. വേട്ടയ്യൻ രാജ ആയാണ് രാഘവ ലോറൻസ് എത്തുന്നത്. ചന്ദ്രമുഖി സംവിധാനം ചെയ്ത പി വാസു തന്നെയാണ് ചന്ദ്രമുഖി 2 ഒരുക്കുന്നതും. പി വാസുവിന്റെ 65-ാമത്തെ ചിത്രമാണ് ചന്ദ്രമുഖി 2 .
Discussion about this post