കണ്ണൂർ: സംസ്ഥാനത്ത് വന്ദേഭാരത് എക്സ്പ്രസിന് നേരെ വീണ്ടും കല്ലേറ്. തലശ്ശേയിൽ വച്ചാണ് തീവണ്ടിയ്ക്ക് നേരെ ആക്രമണം ഉണ്ടായത്. കല്ലേറിൽ കോച്ചുകളിൽ ഒന്നിന്റെ ചില്ല് തകർന്നു. സംഭവത്തിൽ റെയിൽവേ പോലീസ് അന്വേഷണം ആരംഭിച്ചിട്ടുണ്ട്.
ഉച്ചയോടെയായിരുന്നു സംഭവം. കാസർകോട് നിന്നും തിരുവനന്തപുരത്തേക്ക് പോകുകയായിരുന്നു വന്ദേഭാരത് എക്സ്പ്രസ്. തലശ്ശേരിയ്ക്കും മാഹിയ്ക്കും ഇടയിലാണ് കല്ലേറുണ്ടായത്. സി 8 കോച്ചിന്റെ ചില്ലാണ് തകർന്നത്. ആക്രമണത്തിൽ ആർക്കും പരിക്കില്ല. പൊട്ടിയ ചില്ല അകത്തേക്ക് തെറിച്ചതായി യാത്രികർ പറഞ്ഞു. ആർപിഒ സംഘം എത്തി പരിശോധന നടത്തി.
കഴിഞ്ഞ ദിവസം കണ്ണൂരും കാസർകോടും പാസഞ്ചർ തീവണ്ടികൾക്ക് നേരെ ആക്രമണം ഉണ്ടായിരുന്നു. ഇതിന് പിന്നാലെയാണ് വന്ദേഭാരതിന് നേരെ തന്നെ ആക്രമണം ഉണ്ടാകുന്നത്. ചെന്നൈ സൂപ്പർ എക്സ്പ്രസ് നേത്രാവതി എക്സ്പ്രസ് എന്നീ തീവണ്ടികൾക്ക് നേരെയായിരുന്നു ആക്രമണം . എസി കോച്ചുകൾക്ക് നേരെയായിരുന്നു കല്ലേറുണ്ടായത്. ഇതിലും ചില്ലുകൾ തകർന്നു. തുടർച്ചയായി ഉണ്ടാകുന്ന ആക്രമണം ആസൂത്രിതം ആണെന്നാണ് സൂചന.
Discussion about this post