പത്തനംതിട്ട: തിരുവല്ല പുളിക്കീഴില്‍ ഗര്‍ഭിണിയെ വീട്ടില്‍ കയറി പീഡിപ്പിച്ചെന്ന പരാതിയില്‍ ഡിവൈഎഫ്‌ഐ പ്രാദേശിക നേതാവ് അറസ്റ്റില്‍. ഡിവൈഎഫ്‌ഐ വൈക്കത്തില്ലം യൂണിറ്റ് പ്രസിഡന്റ് വാഴപ്പറമ്പില്‍ ശ്യാം കുമാറിനെയാണ് പുളിക്കീഴ് പൊലീസ് അറസ്റ്റ് ചെയതത്. ഞായറാഴ്ച പുലര്‍ച്ചെയാണ് സംഭവം.
പട്ടികജാതി വിഭാഗത്തില്‍ പെട്ട 19 വയസ്സുകാരിയായ പെണ്‍കുട്ടിയാണ് ക്രൂര പീഡനത്തിന് ഇരയായത്. പെണ്‍കുട്ടിയുടെ ഭര്‍ത്താവ് ഇല്ലാത്ത സമയത്താണ് ഇയാള്‍ വീട്ടില്‍ അതിക്രമിച്ചു കയറി പീഡിപ്പിച്ചത്. യുവതി പരാതി നല്‍കിയതറിഞ്ഞ് പ്രതി ഒളിവില്‍ പോയിരുന്നു. പോലീസ് നടത്തിയ വിശദമായ അന്വേഷണത്തിലാണ് ഇന്ന് പുലര്‍ച്ചയോടെ ഇയാള്‍ പിടിയിലായത്. പ്രതിയെ കോടതിയില്‍ ഹാജരാക്കുമെന്ന് സിഐ ഇ അജീബ് പറഞ്ഞു.
