തിരുവനന്തപുരം: അഴിമതി ആരോപണങ്ങളില് മുഖ്യമന്ത്രി ഒളിച്ചുകളി നടത്തുകയാണെന്ന് കേന്ദ്രമന്ത്രി വി.മുരളീധരന്. കരുവന്നൂര് സഹകരണ ബാങ്ക് തട്ടിപ്പില് മുന് മന്ത്രി എ.സി.മൊയ്തീനെ പിന്തുണക്കുന്ന സിപിഎം നിലപാട് ജനങ്ങളോടുള്ള പരിഹാസമാണ്. പാര്ട്ടി പ്രതിരോധത്തിലാകുമ്പോള് ജനങ്ങളുടെ സാമാന്യബുദ്ധിയെ ചോദ്യം ചെയ്യുന്ന വിശദീകരണവുമായി വരരുതെന്നും കേന്ദ്രമന്ത്രി തിരുവനന്തപുരത്ത് പറഞ്ഞു. ഇ.ഡി വേട്ട എന്ന ഇരവാദം എല്ലായ്പ്പോഴും നിലനില്ക്കില്ലെന്നും അദ്ദേഹം കൂട്ടിച്ചേര്ത്തു.
വിശ്വസിച്ച് നിക്ഷേപിച്ച പണം തിരികെ കിട്ടാതെ പാവപ്പെട്ടവര് ആത്മഹത്യ ചെയ്യേണ്ടി വന്നു. പരാതികളും ആക്ഷേപങ്ങളും ഉയര്ന്നപ്പോള് സഹകരണ മന്ത്രി കസേരയില് ഇരുന്ന വ്യക്തിയാണ് എ.സി.മൊയ്തീന്. ഇന്ന് അദ്ദേഹത്തിന് ലക്ഷങ്ങളുടെ സ്വത്തും ആസ്തിയും എന്ന് റിപ്പോര്ട്ട് വരുമ്പോള് ജനത്തോട് കാര്യങ്ങള് പറയാന് സിപിഎം ബാധ്യസ്ഥരാണെന്നും മന്ത്രി പറഞ്ഞു.
കരുവന്നൂരിലും കരിമണലിലും സിപിഎം ഒളിച്ചുകളിക്കുകയാണ്. വീണാ വിജയന് പണം വാങ്ങിയത് അഴിമതിയുടെ പരിധിയില് വരില്ല എന്ന വിജിലന്സ് കോടതി ഉത്തരവ് അത്ഭുതകരമെന്ന് കേന്ദ്രമന്ത്രി പറഞ്ഞു. നീതിബോധത്തെ വെല്ലുവിളിക്കുന്ന, നിയമപരിജ്ഞാനത്തെ പരിഹസിക്കുന്ന ഉത്തരവാണ് ഇതെന്നും മുരളീധരന് കൂട്ടിച്ചേര്ത്തു.
Discussion about this post