വരും ദിവസങ്ങളിൽ മഴ കനക്കും; ബംഗാൾ ഉൾക്കടലിൽ ന്യൂനമർദ്ദത്തിന് സാദ്ധ്യത; അറിയാം മഴ മുന്നറിയിപ്പ്

തിരുവനന്തപുരം: ബംഗാൾ ഉൾക്കടലിൽ ന്യൂനമർദ്ദത്തിന് സാദ്ധ്യതയുള്ളതായി കാലാവസ്ഥാ നിരീക്ഷണ കേന്ദ്രം. ഇതിന്റെ സ്വാധീനത്താൽ സംസ്ഥാനത്ത് മഴ കനക്കും. ഞായറാഴ്ചയോടെ ന്യൂനമർദ്ദം രൂപപ്പെടുമെന്നാണ് പ്രവചനം.

നിലവിൽ വടക്ക് കിഴക്കൻ ബംഗാൾ ഉൾക്കടലിൽ ചക്രവാതച്ചുഴി നിലനിൽക്കുന്നുണ്ട്. ഇതിന് പുറമേ ഞറാഴ്ചയോടെ മറ്റൊരു ചത്രവാതച്ചുഴി കൂടി രൂപപ്പെടും. വടക്ക് പടിഞ്ഞാറൻ ബംഗാൾ ഉൾക്കടലിൽ രൂപപ്പെടുന്ന ഈ ചക്രവാതചുഴി ശക്തിപ്രാപിച്ച് ന്യൂനമർദ്ദം ആകുമെന്നാണ് വിലയിരുത്തുന്നത്. ഈ സാഹചര്യത്തിൽ ഇന്ന് മുതൽ അടുത്ത അഞ്ച് ദിവസവും സംസ്ഥാനത്ത് ശക്തമായാണ് അനുഭവപ്പെടുക. ഇതേ തുടർന്ന് ജില്ലകളിൽ യെല്ലോ അലർട്ടും പുറപ്പെടുവിച്ചിട്ടുണ്ട്.

വിവിധ ജില്ലകളിലെ യെല്ലോ അലർട്ടുകൾ

01.09.2023 : ആലപ്പുഴ, കോട്ടയം
02.09.2023 : ഇടുക്കി
03.09.2023 : തിരുവനന്തപുരം
04.09.2023 : തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി
05.09.2023 : തിരുവനന്തപുരം, കൊല്ലം, ആലപ്പുഴ