കോഴിക്കോട് : കിടപ്പുമുറിയില് നഴ്സിനെ തൂങ്ങിമരിച്ച നിലയില് കണ്ടെത്തി. വയനാട് സുല്ത്താന് ബത്തേരി സ്വദേശിനിയായ സഹല ബാനു (21) ആണ് മരിച്ചത്. നെന്മേനി അരങ്ങാല് ബഷീറിന്റെ മകളാണ്. പാലാഴിയിലുള്ള ഇക്ര കമ്യൂണിറ്റി ആശുപത്രിയില് നഴ്സായിരുന്നു.
ശനിയാഴ്ച ഉച്ചയ്ക്ക് രണ്ടുമണിക്കാണ് സഹല ഡ്യൂട്ടിക്ക് കേറേണ്ടിയിരുന്നത്. എന്നാല് സഹലയെ കാണാതെ വന്നതോടെ ആശുപത്രി അധികൃതര് താമസസ്ഥലത്ത് അന്വേഷിച്ച് എത്തുകയായിരുന്നു. ആശുപത്രിക്ക് മുകളില് തന്നെയാണ് ഇവരുടെ താമസ സ്ഥലം. പരിശോധനയ്ക്കായി ചെന്നപ്പോള് കിടപ്പുമുറി ഉള്ളില്നിന്നും കുറ്റിയിട്ട നിലയില് കണ്ടെത്തി. വാതിലില് മുട്ടി വിളിച്ചിട്ടും പ്രതികരണം ലഭിക്കാത്തതിനെ തുടര്ന്ന് വാതില് കുത്തിത്തുറന്ന് അകത്തുകയറിയപ്പോഴാണ് സഹലയെ തൂങ്ങിയ നിലയില് കണ്ടെത്തിയത്.
ഉടന് പന്തീരാങ്കാവു പോലീസില് വിവരമറിയിക്കുകയും പൊലീസ് ഇന്ക്വസ്റ്റ് നടത്തുകയും ചെയ്തു. പിന്നീട് മൃതദേഹം കോഴിക്കോട് മെഡിക്കല് കോളജില് പോസ്റ്റ്മോര്ട്ടത്തിനായി അയച്ചു.
Discussion about this post