യുഎഇ : നടി സണ്ണി ലിയോണിന് യുഎഇ ഗോള്ഡന് വിസ സമ്മാനിച്ചു. യുഎഇ നല്കിയ അംഗീകാരത്തിന് സണ്ണി ലിയോണ് നന്ദി അറിയിച്ചു. ദുബായിലെ ഏറ്റവും വലിയ സര്ക്കാര് സേവനദാതാക്കളായ ഇസിഎച്ച് ഡിജിറ്റല് ആസ്ഥാനത്ത് വെച്ച് സിഇഒ ഇഖ്ബാല് മാര്ക്കോണി ആണ് താരത്തിന് ഗോള്ഡന് വിസ സമ്മാനിച്ചത്.
യുഎഇയുടെ പത്ത് വര്ഷത്തെ ഗോള്ഡന് വിസ പതിച്ച പാസ്പോര്ട്ട് സണ്ണി ലിയോണ് ഏറ്റുവാങ്ങി. മലയാള സിനിമാ മേഖലയില് നിന്നുള്ളവർ അടക്കം നിരവധി ഇന്ത്യൻ താരങ്ങൾക്ക് യുഎഇ ഗോള്ഡന് വിസ നൽകിയിട്ടുണ്ട്. നേരത്തെ മലയാളത്തിലെ സൂപ്പർ താരങ്ങളായ മമ്മൂട്ടിയും മോഹൻലാലും അടക്കമുള്ളവർ ഗോള്ഡന് വിസ ഏറ്റുവാങ്ങിയിരുന്നു.
സിനിമാതാരങ്ങൾക്ക് കൂടാതെ സ്കൂള് തലത്തിലും സര്വകലാശാലാ തലങ്ങളിലും മികച്ച വിജയം നേടുന്ന വിദ്യാര്ത്ഥികള്ക്കും യുഎഇ ഗോള്ഡന് വിസകള് അനുവദിച്ചിട്ടുണ്ട്. യുഎഇ ഫെഡറല് അതോറിറ്റി ഫോര് ഐഡന്റിറ്റി ഡയറക്ടര് ജനറല് മേജര് ജനറല് സുഹൈല് സഈദ് അല് ഖലീല് ഗോള്ഡന് വിസകള് നേടിയ വിദ്യാര്ത്ഥികളെ അഭിനന്ദിച്ചു.
Discussion about this post