പത്തനംതിട്ട: അടൂരിലെ പോലീസ് ക്വാട്ടേഴ്‌സിൽ രണ്ട് പോലീസുകാർ തമ്മിലുണ്ടായ വാക്കേറ്റത്തിലും കൈയ്യാങ്കളിയിലും നാണം കെട്ട് സേന. കഴിഞ്ഞ തിരുവോണദിവസം ഉച്ചകഴിഞ്ഞാണ് അടിപിടിയുണ്ടായത്.
ക്വാർട്ടേഴ്സിലെ താമസക്കാരനായ പോലീസുകാരിൽ ഒരാൾ വനിതാസുഹൃത്തുമായി ക്വാർട്ടേഴ്സിൽ എത്തിയത് മറ്റൊരാൾ ചോദ്യംചെയ്തതാണ് പ്രശ്‌നങ്ങൾക്ക് കാരണം.വനിതാസുഹൃത്തുമായി ക്വാർട്ടേഴ്സിൽ എത്തിയ പോലീസുകാരന്റെ കുടുംബം അവധിയായതിനാൽ ഉത്രാടദിവസം ഉച്ചയ്ക്ക് തന്നെ സ്വന്തം വീട്ടിലേക്ക് മടങ്ങിയിരുന്നു. എന്നാൽ തിരുവോണ ദിവസവും ഡ്യൂട്ടിയുള്ളതിനാൽ പോലീസുകാരൻ ക്വാർട്ടേഴ്സിൽ തുടരുകയായിരുന്നു.
കുടുംബത്തിന്റെ അസാന്നിദ്ധ്യത്തിൽ വനിതാസുഹൃത്തുമായി എത്തിയത് തൊട്ടടുത്ത ക്വാർട്ടേഴ്സിലെ താമസക്കാരൻ ചോദ്യംചെയ്യുകയായിരുന്നു. തുടർന്ന് ഇരുവരും തമ്മിൽ വാക്കേറ്റമുണ്ടായി. കയ്യാങ്കളിയിലേക്കും കാര്യങ്ങളെത്തി. ക്വാർട്ടേഴ്സിലെ മറ്റു താമസക്കാർ ഇടപെട്ടാണ് പ്രശ്‌നം പരിഹരിച്ചത്. സംഭവത്തിൽ ആഭ്യന്തരഅന്വേഷണം നടക്കുമെന്നാണ് വിവരം.
