ഇന്ന് ഏറ്റവും വലിയ ജനപ്രിയ മെസേജിംഗ് ആപ്ലിക്കേഷനുകളിലൊന്നാണ് വാട്‌സ്ആപ്പ്. ഇന്നത്തെ കാലത്ത് വാട്‌സ്ആപ്പ് ഇല്ലാത്ത സ്മാർട്ട്‌ഫോൺ ഇല്ലെന്ന് വേണം പറയാൻ. വ്യക്തിഗത ആവശ്യങ്ങളിൽ തുടങ്ങി ബിസിനസ് സംബന്ധമായ ആവശ്യങ്ങൾക്ക് വരെ ഇപ്പോൾ വാട്‌സ്ആപ്പ് വേണം. ഇപ്പോഴിതാ കമ്പനി പുറത്തിറക്കിയ ഒരു അറിയിപ്പാണ് ട്രെൻഡിംഗാവുന്നത്.
ഒക്ടോബർ 24ന് ശേഷം ആൻഡ്രോയിഡ് ഒ.എസ് പതിപ്പ് 4.1ലും അതിനു മുമ്പുള്ള സ്മാർട്ട്ഫോണുകളിലും പ്രവർത്തിക്കില്ലെന്ന് വാട്‌സ്ആപ്പ് അറിയിച്ചിരിക്കുകയാണ്. സുരക്ഷാ മുൻകരുതൽ ചൂണ്ടിക്കാട്ടിയാണ് പഴയ സ്മാർട്ട്ഫോണുകളിലെ പ്രവർത്തനം വാട്‌സ്ആപ്പ് അവസാനിപ്പിക്കാൻ ഒരുങ്ങുന്നത്. ഉപയോക്താക്കളെ മുൻകൂട്ടി അറിയിക്കുമെന്നും അപ്ഗ്രേഡ് ചെയ്യാൻ ഓർമ്മപ്പെടുത്തുമെന്നും വാട്ട്സ്ആപ്പ് അറിയിച്ചു. ഫോൺ അപ്ഡേറ്റ് ചെയ്തില്ലെങ്കിൽ ഇനി വാട്‌സ്ആപ്പ് പ്രവർത്തിക്കില്ലെന്നും അറിയിച്ചു.
7 നെക്‌സസ് (ആൻഡ്രോയിഡ് 4.2ലേക്ക് അപ്ഗ്രേഡ് ചെയ്യാനാകും), സാംസങ് ഗ്യാലക്‌സി നോട്ട് 2, എച്ച്.ടി.സി വൺ സോണി എക്‌സ്പീരിയ സെഡ്, എൽ.ജി ഒപ്റ്റിമസ് ജി പ്രോ ,സാംസങ് ഗ്യാലക്‌സി എസ്2, സാംസങ് ഗ്യാലക്‌സി നെക്‌സസ്, എച്ച്.ടി.സി സെൻസേഷൻ, മോട്ടറോള ഡ്രോയിഡ് റയ്‌സർ, സോണി എക്‌സ്പീരിയ എസ് 2 ,മോട്ടറോള സൂം, സാംസങ് ഗ്യാലക്‌സി ടാബ് 10.1 ,അസൂസ് ഇ പാഡ് ട്രാൻസ്‌ഫോർമർ, ഏസർ ഐക്കോണിയ ടാബ്, എ5003, സാംസങ് ഗ്യാലക്‌സി എസ് ,എച്ച്.ടി.സി ഡിസയർ എച്ച്ഡി, എൽ.ജി ഒപ്റ്റിംസ് 2എക്‌സ് ,സോണി എറിക്‌സൺ എക്‌സ്പീരിയ ആർക് 3 എന്നീ ഫോണുകളിലാണ് ഒക്ടോബർ 24 മുതൽ വാട്‌സ്ആപ്പ് പ്രവർത്തനരഹിതമാകുന്നത്.
