ന്യൂഡല്‍ഹി : കുവൈത്തില്‍ തടവിലാക്കപ്പെട്ട നഴ്‌സുമാരടക്കം 34 ഇന്ത്യക്കാര്‍ക്ക് മോചനം. കുവൈത്തിലെ ഇന്ത്യന്‍ എംബസിയാണ് ഇക്കാര്യങ്ങള്‍ സംബന്ധിച്ച വിവരം പുറത്ത് വിട്ടത്. കേന്ദ്ര സര്‍ക്കാരിന്റെയും വിദേശ കാര്യ മന്ത്രാലയത്തിന്റെയും ശക്തമായ ഇപെടലിനെ തുടര്‍ന്നാണ് മോചനം സാധ്യമായത്. കേന്ദ്ര മന്ത്രി വി മുരളീധരനടക്കമുള്ളവര്‍ വിഷയത്തില്‍ ഇടപെട്ടിരുന്നു. ലോകത്തെവിടെയും ഭാരതീയ പൗരന്‍മാരുടെ ക്ഷേമവും സുരക്ഷയും ഉറപ്പാക്കാന്‍ നരേന്ദ്രമോദി സര്‍ക്കാര്‍ പ്രതിജ്ഞാബദ്ധമാണെന്ന് വി മുരളീധരന്‍ ഫേസ്ബുക്കില്‍ കുറിച്ചു.
സെപ്തംബര്‍ 12 നാണ് മതിയായ രേഖകള്‍ ഇല്ലാത്തതിനാല്‍ 34 ഇന്ത്യക്കാര കുവൈത്ത് ഭരണകൂടം തടവിലാക്കിയത്. മാലിയയിലെ സ്വകാര്യ ക്ലിനിക്കില്‍ ജോലി നോക്കിയിരുന്ന 19 മലയാളി നഴ്‌സുമാരും ഇതില്‍ ഉള്‍പ്പെടുന്നു. കുവൈത്ത് മാനവ വിഭവ ശേഷി സമിതിയുടെ പരിശോധനയിലാണ് തൊഴില്‍ താമസം നിയമം ലംഘിച്ച് ജോലി ചെയ്തതിന്റെ പേരില്‍ ഇവര്‍ അറസ്റ്റിലാകുന്നത്. ഇവരില്‍ കുഞ്ഞു മക്കളുള്ള അമ്മമാരും ഉണ്ടായിരുന്നു. ഇവര്‍ക്ക് മുലയൂട്ടാനുള്ള സൗകര്യമൊരുക്കണമെന്ന ഇന്ത്യന്‍ സര്‍ക്കാരിന്റെ ആവശ്യം നേരത്തെ കുവൈത്ത് അംഗീകരിച്ചിരുന്നു.
തടവിലായവര്‍ മോചിപിക്കപ്പെട്ട വാര്‍ത്ത കേന്ദ്ര മന്ത്രി വി മുരളീധരന്‍ തന്റെ ഫേസ്ബുക്ക് അക്കൗണ്ടിലൂടെ അറിയിച്ചു. വിദേശകാര്യമന്ത്രാലയവും മേഖലയുടെ ചുമതലയുള്ള മന്ത്രിയെന്ന നിലയില്‍ വ്യക്തിപരമായി താനും നടത്തിയ ഇടപെടലുകള്‍ ഫലം കണ്ടത് ചാരിതാര്‍ഥ്യമേകുന്നതായും അദ്ദേഹം വ്യക്തമാക്കി.
ഫേസ്ബുക്ക് കുറിപ്പിന്റെ പൂര്‍ണ രൂപം:
കുവൈത്തില്‍ തടവിലാക്കപ്പെട്ട നഴ്‌സുമാരടക്കം 34 ഇന്ത്യക്കാരുടെ മോചനം സാധ്യമായ വിവരം സന്തോഷത്തോടെ പങ്കുവയ്ക്കുന്നു…
വിദേശകാര്യമന്ത്രാലയവും മേഖലയുടെ ചുമതലയുള്ള മന്ത്രിയെന്ന നിലയില്‍ വ്യക്തിപരമായി ഞാനും നടത്തിയ ഇടപെടലുകള്‍ ഫലം കണ്ടത് ചാരിതാര്‍ഥ്യമേകുന്നു…
മോചിപ്പിക്കപ്പെട്ടവരില്‍ ബഹുഭൂരിപക്ഷവും മലയാളികളാണ് എന്നത് ഇരട്ടിസന്തോഷം നല്‍കുന്നു…..
തടവിലാക്കപ്പെട്ടവരിലെ അമ്മമാര്‍ക്ക് പിഞ്ചു കുഞ്ഞുങ്ങളെ മുലയൂട്ടാനുള്ള സൗകര്യം നേരത്തെ ഒരുക്കാന്‍ സാധിച്ചിരുന്നു……
മതിയായ രേഖകള്‍ ഇല്ലാതെ നഴ്സുമാര്‍ കുവൈത്തില്‍ എത്തിയതില്‍ ഇന്ത്യയുടെ വിശദീകരണം അംഗീകരിക്കുകയും മനുഷ്യത്വപരമായ സമീപനം സ്വീകരിക്കുകയും ചെയ്ത കുവൈത്ത് അധികാരികള്‍ക്ക് നന്ദി…
ലോകത്തെവിടെയും ഭാരതീയ പൗരന്‍മാരുടെ ക്ഷേമവും സുരക്ഷയും ഉറപ്പാക്കാന്‍ നരേന്ദ്രമോദി സര്‍ക്കാര്‍ പ്രതിജ്ഞാബദ്ധം……
Embassy is pleased to inform that the 34 Indian nurses/medical staff detained by authorities on 12 September have been released today based on Embassy’s intervention with all the concerned authorities in Kuwait. Hon’ble MoS Shri V Muraleedharan was personally monitoring the case. pic.twitter.com/3htaiyOhRq
— India in Kuwait (@indembkwt) October 4, 2023
Discussion about this post