തിരുവനന്തപുരം: വെള്ളിയാഴ്ചകളിൽ പൊതുപരീക്ഷകൾ ഒഴിവാക്കണമെന്ന മുസ്ലീം സംഘടനകൾ ആവശ്യമുന്നയിച്ചതിനോട് പ്രതികരിച്ച് നടൻ ഹരീഷ് പേരടി. അങ്ങനെയെങ്കിൽ തിങ്കൾ മുതൽ ശനിവരെ അവധി പ്രഖ്യാപിക്കണമെന്ന് നടൻ പറഞ്ഞു. ഫേസ്ബുക്ക് പോസ്റ്റിലൂടെയായിരുന്നു അദ്ദേഹത്തിന്റെ പ്രതികരണം.
തിങ്കളാഴ്ച ഞാൻ ശിവന്റെ അമ്പലത്തിൽ പോവുന്ന ദിവസമാണെന്ന് ഹരീഷ് പേരടി വ്യക്തമാക്കി. ചൊവ്വാഴ്ച ദേവി ക്ഷേത്രത്തിൽ പോവുന്ന ദിവസമാണ്,ബുധൻ സുബ്രമണ്യ കോവിലുകൾ സന്ദർശിക്കാനുള്ള ദിവസമാണ്,വ്യാഴം ശ്രീകൃഷ്ണ ക്ഷേത്രങ്ങൾക്കുള്ള ദിവസമാണ്,വെള്ളിയാഴ്ച്ച വീണ്ടും ദേവി ക്ഷേത്രങ്ങളും മുസ്ലിം സഹോദരൻമാരുടെയും ദിവസം,ശനി അയ്യപ്പ ദർശനത്തിന്റെ ദിവസമാണ്,ഈ ദിവസങ്ങളെല്ലാം എല്ലാ മത വിശ്വാസ സമൂഹത്തിന് വേണ്ടി അവധിയായി പ്രഖ്യാപിക്കണം…ഞായർ ക്രിസ്തു ദേവന്റെ ദിവസമാണ് പൊതുവേ അവധിയാണ്…അതുകൊണ്ട് വേറെ കുഴപ്പങ്ങളൊന്നുമില്ല…ഒരു പണിക്കും പോകാതെ എല്ലാ ദിവസവും അവധിയായാൽ രാഷ്ട്രിയക്കാർക്ക് തിന്നാൻ കിട്ടും…അമ്പലവും പള്ളിയും ചർച്ചും പാർട്ടി ഓഫീസുകളും നിലനിർത്താൻ നമ്മൾ പണിക്ക് പോയേപറ്റു…ജാഗ്രതൈ എന്നും അദ്ദേഹം ഫേസ്ബുക്കിൽ കുറിച്ചു.
സർക്കാർ വിളിച്ച് ചേർത്ത യോഗത്തിൽ ആയിരുന്നു വെള്ളിയാഴ്ചകളിൽ പൊതുപരീക്ഷകൾ ഒഴിവാക്കണമെന്ന് ആവശ്യപ്പെട്ടത്. വെള്ളിയാഴ്ചകളിൽ പൊതുപരീക്ഷകൾ വയ്ക്കുന്നത് ആരാധനാ കർമ്മത്തെ ബാധിക്കുന്നുണ്ടെന്ന് ചൂണ്ടിക്കാട്ടിയായിരുന്നു പരീക്ഷകൾ മാറ്റിവയ്ക്കണം എന്ന് നിർദ്ദേശിച്ചത്.
Discussion about this post