ശിവകാർത്തികേയൻ നായകനാകുന്ന സയൻസ് ഫിക്ഷൻ ചിത്രം ‘അയലാൻ’ ടീസർ പുറത്ത്. ഗംഭീര തിരക്കഥകൊണ്ടും മേക്കിങ് കൊണ്ടും പ്രേക്ഷകർക്ക് നവ്യാനുഭൂതി നൽകാൻ കഴിയുന്നതാവും ചിത്രമെന്നാണ് ടീസർ നൽകുന്ന സൂചന.
2015ൽ ‘ഇൻട്ര് നേട്ര് നാളൈ’ എന്ന ചിത്രം സംവിധാനം ചെയ്തു ശ്രദ്ധേയനായ സംവിധായകൻ ആർ. രവികുമാർ ആണ് ‘അയലാൻ’ ഒരുക്കുന്നത്. രാകുൽ പ്രീത് സിങ് ആണ് നായിക. ശരത് കേൽകർ വില്ലൻ ആകുന്ന ഈ ചിത്രത്തിൽ യോഗി ബാബു, ഭാനുപ്രിയ, കരുണാകരൻ എന്നിവരാണ് മറ്റ് താരങ്ങൾ. എ.ആർ. റഹ്മാന്റെ സംഗീതവും അൻബറിവിന്റെ സംഘട്ടനസംവിധാനവും വലിയ പ്രതീക്ഷയാണ് ആരാധകർക്ക് നൽകുന്നത്. നീരവ് ഷാ ഛായാഗ്രഹണവും റൂബൻ എഡിറ്റിങ്ങും നിർവഹിക്കുന്ന ചിത്രത്തിൽ വിവേക്, മദൻ കർക്കി എന്നിവരാണ് ഗാനരചന. 24 എ.എം സ്റ്റുഡിയോസിന്റെ ബാനറിൽ ആർ.ഡി. രാജയാണ് അയലാൻ നിർമിക്കുന്നത്. ചിത്രം 2024 പൊങ്കൽ റിലീസായി തിയറ്ററുകളിലെത്തും എന്നാണ് ഇപ്പോൾ ലഭ്യമായ വിവരം.
Discussion about this post