ലോകത്ത് ഏറ്റവും ജനപ്രിയമായ പാനീയങ്ങളിലൊന്നാണ് ചായ. ചായ ഒരു പാനീയം മാത്രമല്ല. സൗന്ദര്യ സംരക്ഷണത്തിനും ഉപയോഗിക്കാം. ഒരു ഗ്ലാസ് കട്ടൻചായ ഉണ്ടെങ്കിൽ നമുക്ക് പല രീതിയിൽ സൗന്ദര്യസംരക്ഷണത്തിനായി ഉപയോഗിക്കാം.
തണുത്ത ടീ ബാഗുകൾ കണ്ണിനു താഴെയുണ്ടാകുന്ന വീർപ്പ് അല്ലെങ്കിൽ തടിപ്പ് കുറയ്ക്കുന്നതിന് ഉപയോഗിക്കുന്നു. മുഖ ചർമ്മത്തിൽ നേർത്ത വരകളും ചുളിവുകളും കുറയ്ക്കുന്നു. ഇതുകൊണ്ട് തന്നെ വാർദ്ധക്യ ലക്ഷണങ്ങളെയും നിങ്ങൾക്ക് അകറ്റി നിർത്തുവാൻ സാധിക്കും.
കാൽ കപ്പ് ചായയ്ക്കൊപ്പം 2 സ്പൂൺ അരിപ്പൊടിയും അര സ്പൂൺ തേനും ചേർത്ത് നന്നായി മിക്സ് ചെയ്തതിന് ശേഷം മുഖത്തു പുരട്ടുക. ഉണങ്ങുമ്പോൾ ഇടക്കു നനച്ചു കൊടുക്കാം. 10 മിനിറ്റ് മിശ്രിതം മുഖത്ത് പിടിപ്പിച്ച ശേഷം നന്നായി മസാജ് ചെയ്യാം. ശേഷം ഇളം ചൂടു വെള്ളത്തിൽ കഴുകാം. ആഴ്ചയിലൊരിക്കൽ ഇങ്ങനെ ചെയ്യാം.
ഫ്രീ റാഡിക്കലുകളെ അകറ്റാനും വിഷവസ്തുക്കളെ പുറന്തള്ളാനും സഹായിക്കുന്ന ആന്റിഓക്സിഡന്റുകൾ കട്ടൻ ചായയിൽ അടങ്ങിയിരിക്കുന്നു. നിങ്ങളുടെ ചർമ്മത്തിലെ കളങ്കങ്ങളിലും പാടുകളിലും കട്ടൻ ചായ ഉപയോഗിക്കുന്നത് അവയെ കുറയ്ക്കാനും ചർമ്മത്തിന്റെ നിറം വർദ്ധിക്കുവാനുംസഹായിക്കും
മുടി കഴുകുവാനായി തണുത്ത കട്ടൻ ചായ ഉപയോഗിക്കുന്നത് മുടിയെ തിളക്കമുള്ളതും നല്ല കറുത്തതുമായി നിലനിർത്താൻ സഹായിക്കും. ഗുണം ഇരട്ടിയാക്കാനായി മൈലാഞ്ചി പൊടിയും കട്ടൻ ചായയിൽ ചേർത്ത് ഉപയോഗിക്കാം.
ഒന്നുകിൽ കട്ടൻ ചായ തയ്യാറാക്കാൻ ടീ ബാഗുകൾ ഉപയോഗിക്കാം. അല്ലെങ്കിൽ വെള്ളം തിളപ്പിച്ച് ചായപ്പൊടി ചേർത്ത് കട്ടൻ ചായ തയ്യാറാക്കുക. ഇത് തണുത്ത കഴിഞ്ഞാൽ അരിച്ചെടുത്ത ശേഷം സ്പ്രേ ബോട്ടിലിലേയ്ക്ക് മാറ്റിയ ശേഷം ഉപയോഗിക്കാവുന്നതാണ്.
ചായ തലയിൽ സ്പ്രേ ചെയ്ത് മൃദുവായി തല മസാജ് ചെയ്യുക. മുഴുവൻ തലയും മൂടിക്കഴിഞ്ഞാൽ, മുടിയിൽ ഒരു ഷവർ ക്യാപ് വയ്ക്കുക, കഴിയുമെങ്കിൽ കുറഞ്ഞത് 30-60 മിനിറ്റ് കാത്തിരിക്കുക.ശേഷം പിന്നെ തണുത്തതോ ചെറുചൂടുള്ളതോ ആയ വെള്ളത്തിൽ മുടി കഴുകുക, ഒരു ഡീപ്പ് കണ്ടീഷണർ ഉപയോഗിക്കുക.
Discussion about this post