മലയാള സിനിമയിലെ യുവ താരങ്ങളില് ശ്രദ്ധേയനാണ് ഷൈന് ടോം ചാക്കോ. അടുത്തിടെ പുറത്തിറങ്ങിയ ചിത്രങ്ങളില് നിരവധി ശ്രദ്ധേയമായ വേഷങ്ങള് ചെയ്ത് ഷൈന് കയ്യടി നേടിയിരുന്നു. കഥാപാത്രങ്ങള് പോലെ തന്നെ ഷൈനിന്റെ അഭിമുഖങ്ങളും സോഷ്യല് മീഡിയയില് വൈറലാകാറുണ്ട്. സംസാരം കൊണ്ടും തന്റെ പെരുമാറ്റ രീതികള് കൊണ്ടും ഷൈന് നിരവധി വിവാദങ്ങളിലും ഇടംപിടിച്ചിട്ടുണ്ട്.
എന്നാല് ഇന്ന് ഷൈന് സോഷ്യല് മീഡിയയില് ഇടം നേടിയിരിക്കുന്നത് താരം പങ്ക് വച്ച ഒരു ചിത്രത്തിലൂടെയാണ്. ഒരു പെണ്കുട്ടിക്കൊപ്പം ഷൈന് നില്ക്കുന്ന ചിത്രമാണ് ഇന്ന് വൈറലായത്. പ്രണയിനി എന്ന് തോന്നിപ്പിക്കുന്ന തരത്തിലുള്ള ചിത്രമാണ് ഷൈന് പങ്ക് വച്ചിരിക്കുന്നത്. പെണ്കുട്ടി വെളുത്ത നിറത്തിലുള്ള ടീഷര്ട്ട് ധരിച്ച് മുടി അഴിച്ചിട്ട് സണ് ഗ്ലാസും ധരിച്ച് ഷൈനിനോട് ചേര്ന്നാണ് നില്ക്കുന്നത്.
എന്നാല് പെണ്കുട്ടിയുടെ മുഖം വ്യക്തമല്ല. അതിനാല് തന്നെ ഇതാരാണെന്ന ചോദ്യമായി നിറയുകയാണ് ആരാധകര്. ഒരു തരത്തിലുള്ള തലക്കെട്ടും നല്കാതെയാണ് ഷൈന് ചിത്രം പങ്കുവെച്ചിരിക്കുന്നത്. കറുത്ത ടീഷര്ട്ടും സണ്ഗ്ലാസും ധരിച്ച് വളരെ ഗ്ലാമറായാണ് താരത്തിന്റെയും നില്പ്.
ചിത്രം നിമിഷങ്ങള്ക്കകം സോഷ്യല് മീഡിയയില് വൈറലാവുകയും ചര്ച്ചാ വിഷയമാവുകയും ചെയ്തു. പ്രണയത്തിലാണെന്ന കാര്യം ഷൈന് പറയാതെ പറയുകയാണോ എന്നാണ് ഫോട്ടോയ്ക്ക് ലഭിച്ചിരിക്കുന്ന കമന്റുകളില് ഏറെയും. ഇത് കളിയാണോ കാര്യമാണോ, ഒരു ബ്ലാക്ക് ആന്റ് വൈറ്റ് പ്രണയം, അങ്ങനെ കൃഷ്ണകുട്ടിക്കും പെണ്ണ് കിട്ടി അല്ലേ, രണ്ടാളും ഓരോ പൊളി എന്നിങ്ങനെ നിരവധി കമന്റുകളാണ് ചിത്രത്തിന് താഴെ. എന്തായാലും ഷൈനിന്റെ പോസ്റ്റ് സോഷ്യല് മീഡിയയില് തരംഗമായിരിക്കുകയാണ്.
Discussion about this post