സൗന്ദര്യത്തിൽ മുടിയുടെ പങ്ക് ചെറുതൊന്നുമല്ല. നല്ല ആരോഗ്യമുള്ള കറുത്ത ഇഴകളാണ് നമ്മൾ മലയാളികൾ എന്നും ഇഷ്ടപ്പെടുന്നത്. എന്നാൽ പല കാരണങ്ങൾ കൊണ്ട് മുടിയുടെ ആരോഗ്യം നമുക്ക് നഷ്ടപ്പെടാം.
മുടി കൊഴിച്ചിൽ കൂടുതലാകുമ്പോൾ നാം ആദ്യം തന്നെ ആന്റി ഹെയർ ഫാൾ ഷാംപൂ ,മറ്റു ഹെയർ മാസ്‌കുകൾ എന്നിവയ്ക്ക് പിന്നാലെ പായും. എന്നാലും പലപ്പോഴും ഇത് പാളിപ്പോവാറുണ്ട്. പരസ്യങ്ങളിൽ പറയുന്നത് പോലെ മുടിയുടെ പരിപാലനം അതിന്റെ വേരുകളിൽ നിന്ന് തന്നെ തുടങ്ങണം.
ഇതിന് പരിഹാരമാണ് കരിജീരകം. പണ്ട് നമ്മുടെ മുത്തശ്ശിമാർ ഉണ്ടാക്കിയിരുന്ന എണ്ണയിൽ കരിംജീരകം ഇട്ടിരുന്നു. ഫാറ്റി അമിനോ ആസിഡുകളാൽ സമൃദ്ധമാണ് കരിജീരകം. കരിംജീരകം പൊടിച്ച് വെളിച്ചെണ്ണയിൽ ചേർത്തോ, കരിജീരകം എണ്ണയാക്കിയോ ഉപയോഗിക്കാം. കരിജീരകം എണ്ണ ഓരോ മുടിയിഴകളിലും ഈർപ്പം നിലനിർത്താൻ സഹായിക്കുന്നു. നിങ്ങൾക്ക് വരണ്ട,പരുക്കനായ എണ്ണമയമുള്ള മുടിയാണെങ്കിൽ കരിജീരകം എണ്ണ ഉപയോഗിച്ച് മസാജ് ചെയ്ത് രണ്ടു മണിക്കൂറിന് ശേഷം കഴുകിക്കളഞ്ഞാൽ മതിയാകും.
പൊടി, സൂര്യപ്രകാശം, ചൂട്, വരൾച്ച ഇതെല്ലം നമ്മുടെ മുടിയെ മങ്ങിയതും നിർജ്ജീവവുമാക്കും.കരിംജീരക എണ്ണ കൊണ്ട് തലയോട്ടിയെ നന്നായി മസാജ് ചെയ്താൽ ഇവയെല്ലാം പരിഹരിക്കാനാകും. തലയോട്ടിയിലെ രക്തചംക്രമണം ഉദ്ദീപിപ്പിക്കാൻ കരിജീരകം എണ്ണയ്ക്ക് കഴിയും. അത്തരത്തിൽ രക്തയോട്ടം വർധിപ്പിച്ചു ഫ്രീ റാഡിക്കലുകളെ നിർവീര്യമാക്കി മുടിക്ക് വേണ്ട പോഷകങ്ങൾ നല്കാൻ കരിംജീരകത്തിന് കഴിയും.
തലയോട്ടിയിൽ രക്തചംക്രമണം കൂട്ടി മുടിയുടെ ഫോളിക്കുകൾക്ക് വേണ്ട ആരോഗ്യവും പോഷകവും നല്കാൻ കരിംജീരകത്തിന് കഴിയും.എണ്ണമയമുള്ള ചർമ്മത്തിൽ താരനും അഴുക്കും എണ്ണയുമായി ചേർന്ന് പ്രശ്‌നം കൂടുതൽ രൂക്ഷമായി കാണുന്നു.ഇത് ശിരോചർമ്മത്തിൽ ചെറിയ കുരുക്കളും ചൊറിച്ചിലും ഉണ്ടാക്കും. ഇത്തരത്തിൽ താരൻ ഉണ്ടാക്കുന്ന അസ്വസ്ഥതകൾ പരിഹരിക്കാൻ കരിജീരകം എണ്ണയ്ക്ക് കഴിയും.
