ഫ്‌ളോറിഡയിൽ കാമുകന്റെ കണ്ണിൽ സൂചികൊണ്ട് കുത്തിപരിക്കേൽപ്പിച്ച് യുവതി. പേവിഷബാധയ്ക്കുള്ള കുത്തിവയ്പ്പ് സൂചികൾ ഉപയോഗിച്ചാണ് യുവതി കാമുകനെ ആക്രമിച്ചത്.
ഫ്‌ളോറിഡയിലെ മിയാമി-ഡേഡ് കൗണ്ടിയിലെ ഒരു വീട്ടിൽ ശനിയാഴ്ചയാണ് സംഭവം നടന്നത്. കാമുകൻ മറ്റ് സ്ത്രീകളെ നോക്കുന്നതിൽ ഏറെ അസ്വസ്ഥയായിരുന്നു 44 കാരിയായ സാന്ദ്ര ജിമെനെസ്. ഇത് സംബന്ധിച്ച് ഇരുവരും തമ്മിൽ തർക്കവും ഉണ്ടായി. എട്ട് വർഷത്തോളമായി ഇവർ ഡേറ്റിംഗ് ആരംഭിച്ചിട്ട്. എന്നാൽ കുറച്ച് നാളുകളായി ഇവർ തമ്മിൽ തർക്കം പതിവായിരുന്നു.
മറ്റ് സ്ത്രീകളെ നോക്കുന്നത് ചോദ്യം ചെയ്ത യുവതി കട്ടിലിൽ കിടക്കുകയായിരുന്ന തന്റെ മേലേക്ക് ചാടിവീണ് കണ്ണിലേക്ക് സൂചികൊണ്ട് കുത്തുകയായിരുന്നു. പെട്ടെന്ന് തടഞ്ഞതിനാൽ വലത് കൺപോളയ്ക്ക് മാത്രമാണ് പരിക്കേറ്റത്. ഉടൻ തന്നെ യുവതി സംഭവസ്ഥലത്ത് നിന്ന് രക്ഷപ്പെട്ടു. കാമുകൻ പോലീസിനെ വിളിച്ചുവരുത്തിയാണ് ആശുപത്രിയിലെത്തി ചികിത്സ തേടിയത്.
Discussion about this post