കൊച്ചി: കേരളത്തിൽ സൗരോർജ്ജ വിപ്ലവം തീർക്കാൻ ഒരുങ്ങുകയാണ് പ്രമുഖ സോളാർ എനർജി സൊല്യൂഷൻസ് കമ്പനിയായ ഫ്രെയർ എനർജി. 2024-ൽ കേരളത്തിലെ 2,000 വീടുകളിൽ സോളാർ പാനലുകൾ സ്ഥാപിക്കാനാണ് കമ്പനി ലക്ഷ്യമിടുന്നത്.
രാജ്യത്തെ 27 സംസ്ഥാനങ്ങളിൽ സാങ്കേതികവിദ്യയിൽ അധിഷ്ഠിതമായ റൂഫ്‌ടോപ്പ് സോളാർ സൊല്യൂഷനുകൾ ലഭ്യമാക്കിയിട്ടുള്ള കമ്പനിയാണ് ഫ്രെയർ എനർജി. വീടുകളുടെയോ ഹൗസിംഗ് സൊസൈറ്റികളുടെയോ ആവശ്യകത അടിസ്ഥാനമാക്കിയാണ് ഇൻസ്റ്റലേഷനുകൾ കസ്റ്റമൈസ് ചെയ്യുന്നത്.
വൈദ്യുതി ബില്ലുകൾ 90% വരെ കുറയ്ക്കാൻ കഴിയുന്നതിനു പുറമെ സൗരോർജ്ജം പരിസ്ഥിതി സുസ്ഥിരതക്കും വലിയ സംഭാവന നൽകുന്നുണ്ടെന്ന് കമ്പനി ചൂണ്ടിക്കാട്ടുന്നു. കാര്യക്ഷമവും താങ്ങാനാവുന്ന വിലയുള്ളതുമായ സോളാർ സിസ്റ്റങ്ങളാണ് പ്രത്യേകതയെന്നും കമ്പനി വ്യക്തമാക്കി. ഉപഭോക്തൃ ധനസഹായവും (5 വർഷം വരെ കാലാവധി) ഫ്രെയർ എനർജി സാങ്കേതികവിദ്യയും സംയോജിപ്പിച്ചാണ് പ്ലാൻ നടപ്പിലാക്കുക.
കമ്പനിയുടെ SunPro+ ആപ്പ് വഴി ഉപഭോക്താക്കൾക്ക് ഫ്രെയർ എനർജി ഇൻ-ഹൗസ് വിദഗ്ധരുമായി നേരിട്ട് ബന്ധപ്പെടാം. വേഗത്തിലുള്ള പ്രൊഫഷണൽ ഇൻസ്റ്റലേഷൻ സേവനങ്ങൾ നൽകുന്നതിനൊപ്പം മികച്ച വിൽപനാനന്തര പിന്തുണയും ഫ്രെയർ എനർജി വാഗ്ദാനം ചെയ്യുന്നു.
ഒറ്റത്തവണ നിക്ഷേപത്തിലൂടെ വീടുകളിലും ബിസിനസ്സ് ഉടമകൾക്കും അവരുടെ പ്രതിമാസ ചെലവുകൾ ഗണ്യമായി കുറയ്ക്കാൻ കഴിയുമെന്ന് ഫ്രെയർ എനർജി ഡയറക്ടറും സഹസ്ഥാപകയുമായ രാധിക ചൗധരി വിശദീകരിച്ചു. കേരളത്തിലെ വിപണി സാധ്യതയിൽ ആത്മവിശ്വാസമുണ്ട്, മാത്രമല്ല ഈ രംഗത്ത് കാര്യമായ സ്വാധീനം ചെലുത്താൻ ഫ്രെയർ എനർജിക്ക് ശേഷിയുണ്ടെന്നും അവർ പറഞ്ഞു.
Discussion about this post