റായ്പൂര്‍:ഛത്തീസ്ഗഢ് കൊള്ളയടിച്ചവരെ വെറുതെ വിടില്ലെന്ന് സംസ്ഥാന അദ്ധ്യക്ഷന്‍ അരുണ്‍ സാവോ. കോണ്‍ഗ്രസിന്റെ ദുര്‍ഭരണം അവസാനിപ്പിച്ച് താമര വിരിയാന്‍ പോവുകയാണ്. ഞങ്ങള്‍ സംസ്ഥാനത്ത് സര്‍ക്കാര്‍ രൂപീകരിക്കും അദ്ദേഹം കൂട്ടിച്ചേര്‍ത്തു.
ഛത്തീസ്ഗഢ് വികസനത്തിന്റെ പാതയിലേക്ക് മുന്നോട്ട് പോവും. അത് പ്രധാനമന്ത്രിയുടെ ഉറപ്പാണ്. എന്നാല്‍ കോണ്‍ഗ്രസ് സംസ്ഥാനത്തെ ജനങ്ങളെ കൊള്ളയടിക്കുകയാണ് ചെയ്തത്. ഇതിനുള്ള മറുപടിയാണ് ഇപ്പോള്‍ ജനങ്ങള്‍ അവര്‍ക്ക് കൊടുക്കുന്നത്. അതേസമയം ബിജെപിക്ക് വന്‍ തോതിലുള്ള പിന്‍ന്തുണയാണ് ഉള്ളത്. കോണ്‍ഗ്രസിനോടുള്ള രോഷമാണ് അവരുടെ വോട്ടിംഗില്‍ പ്രതിഫലിച്ചത്. കേവല ഭൂരിപക്ഷത്തോടെ മൂന്ന് സംസ്ഥാനങ്ങളിലും ബിജെപി സര്‍ക്കാര്‍ രൂപികരിക്കും. അരുണ്‍ സാവോ വ്യക്തമാക്കി.
തിരഞ്ഞെടുപ്പ് കമ്മീഷന്റെ റിപ്പോര്‍ട്ട് അനുസരിച്ച് ഛത്തീസ്ഗഢില്‍ 90 അംഗ നിയമസഭയില്‍ ബിജെപി പകുതിയിലേറെ പിടിച്ചെടുത്തു കഴിഞ്ഞു. ബിജെപി 54 സീറ്റുകളില്‍ ലീഡ് ചെയ്യുമ്പോള്‍ കോണ്‍ഗ്രസ് 33 സീറ്റുകളിലാണ് ലീഡ് ചെയ്യുന്നത്.
