ന്യൂഡൽഹി: ലോകത്തിലെ ഏറ്റവും വലിയ സമ്പദ്വ്യവസ്ഥകളിൽ ഒന്നായി ഇന്ത്യ വളരുമ്പോൾ, ലോകത്തിന്റെ മുഴുവൻ ഭാവിയെയും അത് മെച്ചപ്പെടുത്തുമെന്ന് പ്രധാനമന്ത്രി നരേന്ദ്ര മോദി. ചെങ്കോട്ടയിൽ നടന്ന ആദ്യ ഇന്ത്യൻ ആർട്ട്, ആർക്കിടെക്ചർ & ഡിസൈൻ ബിനാലെ 2023 ഉദ്ഘാടനം ചെയ്ത ശേഷം സദസിനെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം
ലോകമെമ്പാടും ചർച്ച ചെയ്യപ്പെട്ടിരുന്ന ഇന്ത്യയുടെ ഉജ്ജ്വലമായ സമ്പദ്വ്യവസ്ഥയെ അനുസ്മരിച്ച പ്രധാനമന്ത്രി ആ കാലഘട്ടത്തിന്റെ സംസ്കാരവും പൈതൃകവും ഇന്നും ലോകമെമ്പാടുമുള്ള വിനോദസഞ്ചാരികളെ ആകർഷിക്കുന്നുവെന്ന് പറഞ്ഞു.
ഇന്ത്യൻ ആർട്ട്, ആർക്കിടെക്ചർ & ഡിസൈൻ ബിനാലെ (IAADB) ഡൽഹിയിലെ സാംസ്കാരിക മേഖലയുടെ ഒരു മുഖമായി വർത്തിക്കുമെന്ന് പ്രധാനമന്ത്രി പറഞ്ഞു.
ഡൽഹി, കൊൽക്കത്ത, മുംബൈ, അഹമ്മദാബാദ്, വാരണാസി എന്നീ അഞ്ച് നഗരങ്ങളിൽ സാംസ്കാരിക ഇടങ്ങൾ സൃഷ്ടിക്കുന്നത് ചരിത്രപരമായ ഒരു ചുവടുവെപ്പായിരിക്കുമെന്ന് വ്യക്തമാക്കിയ പ്രധാനമന്ത്രി, ഇതിലൂടെ ഈ നഗരങ്ങൾ സാംസ്കാരികമായി കൂടുതൽ സമ്പന്നമാക്കുമെന്നും പറഞ്ഞു.
പ്രാദേശിക കലയെ പുഷ്ടിപ്പെടുത്തുന്നതിനുള്ള നൂതന ആശയങ്ങളും ഈ കേന്ദ്രങ്ങൾ മുന്നോട്ടുവെക്കുമെന്ന് അദ്ദേഹം അറിയിച്ചു.
Discussion about this post