വാഷിംഗ്ടൺ ഡിസി: ലോകത്തിലെ ആദ്യത്തെ സമഗ്രമായ ആർട്ടിഫിഷ്യൽ ഇന്റലിജൻസ് നിയമങ്ങളിലൊന്ന് യൂറോപ്യൻ യൂണിയൻ നിയമനിർമ്മാതാക്കൾ വെള്ളിയാഴ്ച അംഗീകരിച്ചതായി അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു. എ ഐ ആക്ട് എന്ന് പേര് നൽകിയിരിക്കുന്ന നിയമ ചട്ടക്കൂടിലൂടെ ആർട്ടിഫിഷ്യൽ ഇന്റലിജൻസ് മുന്നോട്ട് വെക്കുന്ന അപകട സാധ്യതകളെ അഭിസംബോധന ചെയ്തു കൊണ്ട് മാത്രം സാങ്കേതിക വിദ്യയുടെ വികസനവുമായി മുന്നോട്ട് പോകുന്ന ഒരു നിയന്ത്രണ സംവിധാനം നടപ്പിലാക്കും.
ആളുകളുടെ സുരക്ഷയ്ക്കും ജീവനോപാധികൾക്കും അവകാശങ്ങൾക്കും വ്യക്തമായ ഭീഷണിയായി കണക്കാക്കപ്പെടുന്ന” ഹാനികരമായ AI സമ്പ്രദായങ്ങൾക്ക് നിയമം നിരോധനം ഏർപ്പെടുത്തുന്നു. ആർട്ടിഫിഷ്യൽ ഇന്റലിജൻസിന്റെ വിനാശകരമായ കഴിവുകളെക്കുറിച്ചുള്ള ആശങ്കകൾ വർദ്ധിക്കുന്നതിനിടയിലാണ് യൂറോപ്യൻ യൂണിയൻ നിയമനിർമ്മാതാക്കളുടെ തീരുമാനം
യൂറോപ്യൻ പാർലമെന്റ് പ്രസിഡന്റ് റോബർട്ട മെറ്റ്‌സോള ഈ നിയമത്തെ “സന്തുലിതവും മനുഷ്യകേന്ദ്രീകൃതവുമായ സമീപനം” എന്ന് വിശേഷിപ്പിച്ചു, വരും വർഷങ്ങളിൽ നിർമ്മിത ബുദ്ധിയുമായി ബന്ധപ്പെട്ട ആഗോള മാനദണ്ഡങ്ങൾക്ക് ഇത് ഒരു മാതൃകയായിരിക്കും എന്ന് അവർ വിശേഷിപ്പിച്ചു.
പുതിയ നിയമപ്രകാരം ആർട്ടിഫിഷ്യൽ ഇന്റലിജൻസിന്റെ അപകടകരമായ ഉപയോഗങ്ങൾ നിരോധിച്ചിരിക്കുന്നു. അവയിൽ ചില ദുർബല വിഭാഗങ്ങളെ ലക്ഷ്യമിടുന്ന സംവിധാനങ്ങൾ, നിയമ നിർവ്വഹണ ഉപയോഗങ്ങൾക്കായുള്ള ബയോമെട്രിക് ഐഡന്റിഫിക്കേഷൻ സംവിധാനങ്ങൾ, തുടങ്ങിയവ ഉൾപ്പെടുന്നു.
ഓപ്പൺ എ ഐ യുടെ ചാറ്റ് ജി പി ടി പോലുള്ള ചാറ്റ്ബോട്ടുകൾ അല്ലെങ്കിൽ ഇമേജുകൾ, ഓഡിയോ അല്ലെങ്കിൽ വീഡിയോ ഉള്ളടക്കം എന്നിവ സൃഷ്ടിക്കുന്ന സാങ്കേതികവിദ്യ പോലുള്ള പരിമിതമായ അപകടസാധ്യതയുള്ള സിസ്റ്റങ്ങൾക്ക് പുതിയ നിയമത്തിന് കീഴിൽ സുതാര്യത ബാധ്യതകൾ നേരിടേണ്ടിവരും.
2022 നവംബറിൽ ഓപ്പൺ എ ഐ യുടെ ചാറ്റ് ജി പി ടി ചാറ്റ്‌ബോട്ട് ആരംഭിച്ചതിനു ശേഷമാണു കൃത്രിമബുദ്ധി മുഖ്യധാരയിലേക്ക് പ്രവേശിച്ചത്. വിദ്യാർത്ഥികൾക്ക് ഉള്ള അസ്സൈന്മെന്റ് എഴുതുക മുതൽ കലാകാരന്മാരുടെ മൗലിക സൃഷ്ടികൾ അനുകരിക്കപ്പെടുന്നത് വരെ കൃത്രിമ ബുദ്ധിയുടെ സ്വാധീനം വർദ്ധിച്ചിരുന്നു. അനവധി തൊഴിലുകൾ സാങ്കേതിക വിദ്യയുടെ മുന്നേറ്റത്തോടെ ഇല്ലാതാകുമെന്നാണ് കരുതപ്പെട്ടിരുന്നത്
Discussion about this post