പാലക്കാട്: പാലക്കാട് ജില്ലാ പോലീസ് ഹെഡ്ക്വാട്ടേഴ്‌സിൽ പോലീസ് ഉദ്യോഗസ്ഥർ തമ്മിൽ കത്തിക്കുത്ത്.കുടുംബവിഷയത്തിലുണ്ടായ തർക്കമാണ് അടിപിടിയിൽ കലാശിച്ചത്. അടിപിടിക്കിടെ ചില്ലിൽ തട്ടി രണ്ടുപേരുടെയും കൈമുറിഞ്ഞു. തുന്നലുണ്ട്. പാലക്കാട് എസ്പി ഓഫീസിലെ സിപിഒമാരായ ധനേഷ്, ദിനേശ് എന്നിവരാണ് തമ്മിലടിച്ചത്.
രണ്ട് പേർക്കെതിരെയും കേസ് എടുക്കുമെന്ന് സൗത്ത് പോലീസ് വ്യക്തമാക്കി. രണ്ട് പേരെയും സസ്‌പെൻഡ് ചെയ്തതായി പാലക്കാട് എസ് പി അറിയിച്ചു. ഇരുവർക്കുമെതിരെ വകുപ്പുതല അന്വേഷണം നടത്തുമെന്നും എസ് പി അറിയിച്ചു. റിപ്പോർട്ടിന്റെ അടിസ്ഥാനത്തിൽ തുടർനടപടി സ്വീകരിക്കുമെന്നും എസ്പി വിശദമാക്കി.
സംഭവം വിവാദമായതോടെ കത്തിക്കുത്തല്ല കയ്യാങ്കളിയാണ് ഉണ്ടായതെന്നാണ് എസ്പിയുടെ വിശദീകരണം
Discussion about this post