തിരുവനന്തപുരം:ഡി ജി പി ഓഫീസിലേയ്ക്ക് കോണ്ഗ്രസ് നടത്തിയ മാര്ച്ചില് വന്സംഘര്ഷം. പോലീസ് ജലപീരങ്കിയും കണ്ണീര്വാതകവും പ്രയോഗിച്ചു .കെപിസിസി പ്രസിഡന്റ് കെ.സുധാകരന് ദേഹാസ്വാസ്ഥ്യം ഉണ്ടാവുകയും ശാസ്തമംഗലത്തെ ആശുപത്രിയിലേക്ക് മാറ്റുകയും ചെയ്തു.നേതാക്കളില് പലര്ക്കും ദേഹാസ്വാസ്ഥ്യമുണ്ടായി. കെ പി സി സി പ്രസിഡന്റ് സുധാകരന് ,എം എല് എ ചാണ്ടി ഉമ്മന് എന്നിവരെ അടൂര് പ്രകാശ് ആശുപത്രിയില് സന്ദര്ച്ചു.
പ്രതിഷേധ മാര്ച്ച് കെ പി സി സി പ്രസിഡന്റ് കെ സുധാകരനാണ് ഉദ്ഘാടനം ചെയ്തത്. പ്രതിപക്ഷ നേതാവ് വിഡി സതീശന് സംസാരിക്കുന്നതിനിടെയാണ് പോലീസിന്റെ ഭാഗത്ത് നിന്ന് നടപടി ഉണ്ടായത്.എട്ടുതവണയാണ് കണ്ണീര്വാതക പ്രയോഗം പോലീസ് നടത്തിയത്. പോലീസ് ജലപീരങ്കി പ്രയോഗിച്ചതോടെ കോണ്ഗ്രസ് പ്രവര്ത്തകര് തിരികെ കല്ലെറിഞ്ഞു. പോലീസ് ടിയര് ഗ്യാസ് പ്രയോഗിച്ചു.
നേതാക്കളുള്ള ഭാഗത്തേക്ക് പോലീസിന്റെ ഭാഗത്തുനിന്നാണ് ആദ്യം ആക്രമണമുണ്ടായതെന്നും മുഖ്യമന്ത്രിയുടെ നിര്ദേശപ്രകാരമാണ് പോലീസ് അതിക്രമമെന്നും കോണ്ഗ്രസ് പ്രവര്ത്തകര് ആരോപിച്ചു.
പ്രതിഷേധത്തെ അടിച്ചമര്ത്താന് നിര്ദേശിച്ചതാരെന്ന് മുഖ്യമന്ത്രി പറയണം. ജനപ്രതിനിധികളുടെ അവകാശം ലംഘിക്കുന്ന നടപടിയെന്നും എംപി ശശി തരൂര് മാദ്ധ്യമങ്ങളോടു പറഞ്ഞു. പ്രതിഷേധം കടുപ്പിക്കാനാണ് കോണ്ഗ്രസ് തീരുമാനിച്ചിരിക്കുന്നത്.
Discussion about this post