ഇത്രയും നിരുത്തരവാദപരമായി സാമ്പത്തിക രംഗം കൈകാര്യം ചെയ്യുന്ന മറ്റൊരു സംസ്ഥാനമുണ്ടോ ? പിണറായി സർക്കാരിനെതിരെ രൂക്ഷ വിമർശനവുമായി സന്ദീപ് വാര്യർ
പിണറായി സർക്കാരിനെതിരെ രൂക്ഷ വിമർശനം ഉന്നയിക്കുന്ന ബിജെപി നേതാവ് സന്ദീപ് വാര്യരുടെ ഫേസ്ബുക്ക് പോസ്റ്റ് ആണ് ഇപ്പോൾ സമൂഹമാദ്ധ്യമങ്ങളിൽ ശ്രദ്ധേയമാകുന്നത്. ഇത്രയും നിരുത്തരവാദപരമായി സാമ്പത്തിക രംഗം കൈകാര്യം ചെയ്യുന്ന മറ്റൊരു സംസ്ഥാനമുണ്ടോയെന്ന് സന്ദീപ് വാര്യർ ചോദ്യമുന്നയിക്കുന്നു. ഈ ക്രിസ്തുമസ് കാലത്ത് 1404 കോടി രൂപ അധിക വിഹിതമായി നൽകിയ പ്രധാനമന്ത്രി നരേന്ദ്ര മോദിയുടെ തീരുമാനം ഇല്ലായിരുന്നുവെങ്കിൽ പിണറായി വിജയൻ കേരളത്തിലെ ജനങ്ങളോട് എന്ത് സമാധാനം പറയുമായിരുന്നു എന്നാണ് സന്ദീപ് വാര്യർ ചോദിക്കുന്നത്.
സന്ദീപ് വാര്യരുടെ ഫേസ്ബുക്ക് പോസ്റ്റിന്റെ പൂർണ്ണരൂപം വായിക്കാം,
കിഫ്ബിയുടെ കണക്ക് ഓഡിറ്റ് ചെയ്യാൻ പാടില്ല
കേരളീയത്തിന്റെ സ്പോൺസർമാർ ആരെന്നറിയില്ല
നവകേരള യാത്രയുടെ വരവ് ചിലവ് കണക്കില്ല
കേന്ദ്രം തരുന്ന പണം എങ്ങനെ ചിലവാക്കുന്നു എന്നതിന്റെ ഓഡിറ്റഡ് സർട്ടിഫിക്കറ്റുകൾ നൽകാറില്ല
ഇത്രയും നിരുത്തരവാദപരമായി സാമ്പത്തിക രംഗം കൈകാര്യം ചെയ്യുന്ന മറ്റൊരു സംസ്ഥാനമുണ്ടോ ?
എന്നിട്ടും നാണമില്ലാത്ത മുഖ്യനും കൂട്ടരും കേന്ദ്രം തരുന്നില്ലേ എന്ന പച്ച നുണ ഒരു ഉളുപ്പുമില്ലാതെ ആവർത്തിച്ചു കൊണ്ടിരിക്കുന്നു .
ഈ ക്രിസ്തുമസ് കാലത്ത് 1404 കോടി രൂപ അധിക വിഹിതമായി നൽകിയ പ്രധാനമന്ത്രി നരേന്ദ്ര മോദിയുടെ തീരുമാനം ഇല്ലായിരുന്നുവെങ്കിൽ പിണറായി വിജയൻ കേരളത്തിലെ ജനങ്ങളോട് എന്ത് സമാധാനം പറയുമായിരുന്നു ?
