അയോദ്ധ്യ: പ്രാണപ്രതിഷ്ഠാ ചടങ്ങിന് മുന്നോടിയായി രാമജന്മഭൂമി ക്ഷേത്രത്തില്‍ ആരതി പസുകള്‍ ലഭിക്കുന്നതുനുള്ള ബുക്കിംഗ് ആരംഭിച്ചു. ദിവസത്തില്‍ മൂന്ന് തവണയാണ് ആരതി നടക്കുന്നത്.രാവിലെ ശ്യംഗാര്‍ ആരതി, ഉച്ചയ്ക്ക് ഭോഗ് ആരതി ,ഉച്ചയ്ക്ക ശേഷം സന്ധ്യാ ആരതി എന്നിങ്ങനെയാണ്.പാസ് എടുത്തവര്‍ക്കു മാത്രമാണ് മൂന്ന് ആരതികളിലും പങ്കെടുക്കാന്‍ സാധിക്കുകയോള്ളു.
ആരതി പാസിന് വേണ്ടി അപേക്ഷിക്കേണ്ടത് ക്ഷേത്രത്തിന്റെ ഔദ്യോഗിക പോര്‍ട്ടലിലാണ് . അപേക്ഷിക്കുന്നതിനുള്ള സമയ പരിധിയും ഏര്‍പ്പെടുത്തിയിട്ടുണ്ട്. ആരതി പാസുകള്‍ ലഭിക്കുന്നതിന് ആധാര്‍ കാര്‍ഡ്, വോട്ടര്‍ ഐഡി, ഡ്രെവിംഗ് ലൈസന്‍സ് ,പാസ്‌പോര്‍ട്ട് എന്നതില്‍ എന്തെങ്കിലും ഒരു രേഖയാണ് ആവശ്യമുള്ളത്.
ഒരേ സമയം ആരതിയില്‍ 30 പേര്‍ക്കാണ് പങ്കെടുക്കാന്‍ കഴിയു. ഭക്തരുടെ എണ്ണത്തില്‍ വര്‍ധനവ് ഉണ്ടായാല്‍ ഇതിന്റെ എണ്ണം വര്‍ദ്ധിപ്പിക്കും. ക്ഷേത്ര പരിസരത്തിന്റെ സംരക്ഷണത്തിനും സുരക്ഷാ കാരണങ്ങളാലുമാണ് ആരതിയില്‍ ഭക്തരുടെ എണ്ണം പരിമിതപ്പെടുതിയിരിക്കുന്നത്.കൂടാതെ പ്രായമായവരോ , ചെറുപ്പക്കാരോ , ദരിദ്രര്‍, പണക്കാരന്‍ എന്നിങ്ങനെയുള്ള ഒരു വേര്‍തിരിവും പാസ് കൊടുക്കുന്നതില്‍ കാണിക്കുകയില്ല. എല്ലാ ഭക്തര്‍ക്കും സേവനം ഒരു പോലെയാണ് എന്ന് പാസിന്റെ സെക്ഷന്‍ മാനേജര്‍ ധ്രുവേഷ് മിശ്ര പറഞ്ഞു.
അടുത്ത വര്‍ഷം ജനുവരി 22 നാണ് അയോദ്ധ്യ രാമക്ഷേത്രത്തിന്റെ മഹാപ്രതിഷ്ടാ ചടങ്ങുകള്‍. ലക്ഷക്കണക്കിന് ഭക്തര്‍ ക്ഷേത്രത്തില്‍ ഒഴുകിയെത്തുമെന്നാണ് റിപ്പോര്‍ട്ടുകള്‍.
Discussion about this post