ധാക്ക: ബംഗ്ലാദേശിൽ ഹിന്ദുക്കൾക്ക് നേരെ മതമൗലികവാദികളുടെ ആക്രമണം. 10 പേർക്ക് പരിക്കേറ്റു. ശക്തിപീഠം ചന്ദ്രനാഥ് ക്ഷേത്രത്തിലേക്ക് പ്രാർത്ഥിക്കാൻ എത്തിയ ഭക്തർക്ക് നേരെയാണ് ആക്രമണം ഉണ്ടായത്.
എല്ലാവർഷവും ഡിസംബർ മാസത്തിൽ തീർത്ഥാടനത്തിനായി രാജ്യത്തിന്റെ വിവിധ ഭാഗങ്ങളിൽ നിന്നും ഭക്തർ എത്താറുണ്ട്. ഇത്തരത്തിൽ കഴിഞ്ഞ ദിവസം എത്തിയ ഭക്തരുടെ സംഘത്തിന് നേരെയായിരുന്നു ആക്രമണം. ക്ഷേത്രത്തിലേക്ക് നടന്ന് പോകുകയായിരുന്ന സംഘത്തെ മാരകായുധങ്ങളുമായി എത്തിയ മതതീവ്രവാദികളുടെ സംഘം മർദ്ദിക്കുകയായിരുന്നു.
ആക്രമണത്തിൽ ഭക്തരുടെ തലയ്ക്കുൾപ്പെടെ പരിക്കേറ്റു. മറ്റ് ഭക്തരും ക്ഷേത്രം അധികൃതരും എത്തിയാണ് പരിക്കേറ്റവരെ ആശുപത്രിയിൽ എത്തിച്ചത്. പ്രാഥമിക ചികിത്സയ്ക്ക് ശേഷം ഇവർ ആശുപത്രിവിട്ടു. സംഭവത്തിൽ ഭക്തർ പരാതി നൽകിയിട്ടുണ്ട്.
Discussion about this post