വാരണാസി: വാരണാസിയിലെ തെരുവോര ഭക്ഷണങ്ങൾ ആസ്വദിച്ച് ജാപ്പനീസ് അംബാസഡർ ഹിരോഷി സുസുക്കി. വാരണാസിയിൽ ജിലേബിയും കച്ചോരിയും ആസ്വദിക്കുന്ന ദൃശ്യങ്ങൾ അദ്ദേഹം സമൂഹമാദ്ധ്യമങ്ങളിൽ പങ്കുവച്ചു.
‘വാരണാസിയിലെ തെരുവുകളിൽ ജിലേബിയും കച്ചോരിയും ആസ്വദിക്കുന്നു’- ഈ വീഡിയോ ദൃശ്യങ്ങൾ പങ്ക് വച്ചുകൊണ്ട് ജാപ്പനീസ് അംബാസഡർ ട്വിറ്ററിൽ കുറിച്ചു.
കഴിഞ്ഞ വർഷം ഇന്ത്യയിൽ എത്തിയ ഹിരോഷി സുസുക്കി ഇന്ത്യൻ ഭക്ഷണത്തോടുള്ള ഇഷ്ടം കാരണം സമൂഹമാദ്ധ്യമാങ്ങളിൽ ചർച്ചയായി മാറിയിരുന്നു. ഈ വർഷമാദ്യം അദ്ദേഹം ഡൽഹിയിലെ പ്രശസ്തമായ സരോജിനി നഗർ മാർക്കറ്റ് സന്ദർശിച്ചിരുന്നു. ഇവിടെ ആലു ടിക്കി ആസ്വദിച്ച വീഡിയോയും സമൂഹമാദ്ധ്യമാങ്ങളിൽ അദ്ദേഹം പങ്ക് വച്ചിരുന്നു.
കഴിഞ്ഞ ജൂണിൽ ഹിരോഷി സുസുക്കിയുടെ ഭക്ഷണം കഴിക്കുന്ന വീഡിയോ പ്രധാനമന്ത്രി നരേന്ദ്ര മോദി പങ്ക് വച്ചിരുന്നു. ഇന്ത്യയുടെ വൈവിധ്യകരമായ ഭക്ഷണങ്ങൾ ആസ്വദിക്കുന്നതും പുതുമയോടെ അവതരിപ്പിക്കുന്നതും കാണുന്നതിൽ സന്തോഷമുണ്ടെന്ന് വീഡിയോ പങ്ക് വച്ച് കൊണ്ട് ട്വിറ്ററിൽ കുറിച്ചു.
2023 ജൂണിൽ, പ്രധാനമന്ത്രി നരേന്ദ്ര മോദി ഹിരോഷി സുസുക്കിയുടെ ഫുഡ് വീഡിയോകളിൽ ഒന്ന് എക്സിൽ പങ്കുവെച്ച് ഇങ്ങനെ എഴുതി: “ഇത് നിങ്ങൾ തോറ്റതിൽ വിഷമിക്കാത്ത ഒരു മത്സരമാണ്, മിസ്റ്റർ അംബാസഡർ. നിങ്ങൾ ഇന്ത്യയുടെ പാചക വൈവിധ്യം ആസ്വദിക്കുന്നതും അത് പുതുമയുള്ള രീതിയിൽ അവതരിപ്പിക്കുന്നതും കാണുന്നതിൽ സന്തോഷമുണ്ട്. വീഡിയോകൾ വരുന്നത് തുടരുക.
Discussion about this post