ജപ്പാനിൽ റൺവേയിൽ ഇറങ്ങിയ വിമാനത്തിന് തീപിടിച്ചു; വൻ ദുരന്തം ഒഴിവായത് തലനാരിഴയ്ക്ക്; വീഡിയോ

ടോക്യോ: ജപ്പാനിൽ റൺവേയിൽവച്ച് വിമാനത്തിന് തീപിടിച്ചു. ടോക്യോ ഹനേഡ വിമാനത്താവളത്തിൽ സംഭവം. തീപിടുത്തത്തിന്റെ ദൃശ്യങ്ങൾ സമൂഹമാദ്ധ്യമങ്ങളിൽ വ്യാപകമായി പ്രചരിക്കുന്നുണ്ട്.

ജപ്പാൻ എയർലൈൻസിന്റെ വിമാനത്തിലാണ് തീപിടിത്തം ഉണ്ടായത്. വിമാനം റൺവേയിൽ ഇറങ്ങുമ്പോൾ ആയിരുന്നു സംഭവം. തീപിടിത്തത്തിന്റെ യഥാർത്ഥ കാരണം വ്യക്തമല്ല. സംഭവ സമയം തീര സംരക്ഷണ സേനയുടെ വിമാനം റൺവേയിൽ ഉണ്ടായിരുന്നു. ഇതിൽ ഇടിച്ചാണ് വിമാനത്തിൽ തീ പടർന്നത് എന്നാണ് ജപ്പാൻ മാദ്ധ്യമങ്ങൾ റിപ്പോർട്ട് ചെയ്യുന്നത്.

സംഭവ സമയം വിമാനത്തിൽ ജീവനക്കാർ ഉൾപ്പെടെ 367 പേർ ഉണ്ടായിരുന്നു. ലാൻഡ് ചെയ്ത ശേഷം ഇവരെ പെട്ടെന്ന് തന്നെ സുരക്ഷിത സ്ഥാനങ്ങളിലേക്ക് മാറ്റി. ഇവരിൽ ചിലർക്ക് പരിക്കേറ്റതായും സൂചനയുണ്ട്. എന്നാൽ ഇതുമായി ബന്ധപ്പെട്ട കൂടുതൽ വിവരങ്ങൾ ലഭ്യമല്ല.

തീപിടിച്ച ശേഷം റൺവേയിലൂടെ തെന്നി നീങ്ങുന്ന വിമാനത്തിന്റെ ദൃശ്യങ്ങൾ ആണ് പുറത്തുവന്നിരിക്കുന്നത്. വിമാനത്തിൽ നിന്നും പുറത്തേക്ക് തീ ആളിപ്പടരുന്നതായി ദൃശ്യങ്ങളിൽ കാണാം.

動画！羽田空港で日本航空の機体が炎上中！消火作業継続中！海上保安庁の飛行機が衝突！

VIDEO! Japan Airlines aircraft on fire at Haneda Airport! Firefighting operations are continuing! Japan Coast Guard plane collided with a plane!

视频！ 羽田机场日本航空公司飞机起火！ 灭火行动正在 pic.twitter.com/56bl93Yosd

— worldwalker (@worldwalker_now) January 2, 2024