എറണാകുളം: കോൺഗ്രസ് വനിതാ നേതാവ് പണം തട്ടിയതായി പരാതി. കോൺഗ്രസ് ജില്ലാ വൈസ് പ്രസിഡന്റ് രമ്യ ഷിയാസിനെതിരെയാണ് പരാതി ഉയർന്നിരിക്കുന്നത്. മുഖ്യമന്ത്രിയുമായി ബന്ധമുണ്ടെന്ന് പറഞ്ഞ് 85 ലക്ഷം രൂപ തട്ടിയെടുത്തെന്നാണ് പരാതി.
മാസങ്ങൾക്ക് മുൻപായിരുന്നു സംഭവം. മുഖ്യമന്ത്രിയുമായി അടുപ്പമുണ്ടെന്നും വിവിധ ആവശ്യങ്ങൾ ഉടൻ നിറവേറ്റി നൽകാമെന്നും ആവശ്യപ്പെട്ടാണ് രമ്യ ആളുകളിൽ നിന്നും പണം വാങ്ങിയത്. 40 ഓളം പേർ രമ്യയുടെ തട്ടിപ്പിന് ഇരയായിട്ടുണ്ട്. 10 മുതൽ 15 ലക്ഷം വരെയാണ് കോൺഗ്രസ് വനിതാ നേതാവ് കൈപ്പറ്റിയത് എന്നും പരാതിക്കാർ പറയുന്നു.
സംഭവത്തിൽ മാസങ്ങൾക്ക് മുൻപു തന്നെ ഡിസിപി, എസിപി, കമ്മീഷണർ എന്നിവർക്ക് പരാതി നൽകിയിരുന്നു. എന്നാൽ ഇതിൽ നടപടിയുണ്ടായില്ലെന്ന് തട്ടിപ്പിന് ഇരയായവർ പറയുന്നു. രാഷ്ട്രീയ സ്വാധീനം പ്രയോജനപ്പെടുത്തി രമ്യ കേസ് ഒതുക്കി തീർക്കാൻ ശ്രമിക്കുകയായിരുന്നു. ഇതേ തുടർന്ന് പരാതിക്കാർ ചേരാനല്ലൂർ പോലീസ് സ്റ്റേഷനിൽ കുത്തിയിരിപ്പ് സമരം നടത്തുകയാണ്.
Discussion about this post