സൂറത്ത്: ജനുവരി 22ന് അയോദ്ധ്യയിൽ നടക്കാനിരിക്കുന്ന രാമപ്രതിഷ്ഠാ ചടങ്ങിനായി പ്രത്യേകമായ സാരി തയ്യാറാക്കി രാജ്യത്തെ ഏറ്റവും വലിയ ടെക്സ്ടൈൽ ഹബ്ബായ സൂറത്ത്. രാമന്റെയും അയോദ്ധ്യയുടെയും ചിത്രങ്ങൾ ചിത്രങ്ങൾ പ്രിന്റ് ചെയ്തുകൊണ്ടുള്ള സാരിയാണ് സൂറത്തിൽ ഒരുങ്ങുന്നത്. സീതാദേവിക്ക് സമർപ്പിക്കുന്നതിനായാണ് ഈ സാരി ഒരുങ്ങുന്നതെന്ന് വസ്ത്ര വ്യവസായ രംഗത്തെ പ്രമുഖനായ ലളിത് ശർമ അറിയിച്ചു. സാരിയുടെ ആദ്യത്തെ ഭാഗം സൂറത്തിൽ തന്നെയുള്ള ഒരു ക്ഷേത്രത്തിൽ സമർപ്പിച്ചതായും അദ്ദേഹം വ്യക്തമാക്കി.
അയോദ്ധ്യയിൽ നടക്കാനിരിക്കുന്ന പ്രാണപ്രതിഷ്ഠാ ചടങ്ങിൽ നേരിട്ട് പങ്കെടുക്കാനാവാത്ത ഭക്തർക്ക് അവരുടേതായ രീതിയിൽ തങ്ങളുടെ സാന്നിദ്ധ്യം എത്തിക്കാൻ വേണ്ടിയാണ് ഇത്തരമൊരു ഉദ്യമം. വർഷങ്ങൾക്ക് ശേഷം അയോദ്ധ്യാ ക്ഷേത്രത്തിൽ ശ്രീരാമന്റെ വിഗ്രഹം പ്രതിഷ്ഠിക്കാൻ പോകുന്നതിനാൽ ലോകമെമ്പാടും സന്തോഷത്തിലാണ്.
അവരുടെ സന്തോഷം പങ്കുവക്കാനായി, ശ്രീരാമന്റെയും അയോദ്ധ്യ ക്ഷേത്രത്തിന്റെയും ചിത്രങ്ങൾ പ്രിന്റ് ചെയ്തുകൊണ്ട് ഒരു പ്രത്യേക സാരി ഞങ്ങൾ തയ്യാറാക്കിയിട്ടുണ്ട്. ഞങ്ങൾ അത് ഇവിടെയുള്ള ഒരു ക്ഷേത്രത്തിൽ വച്ച് ജാനകി ദേവിക്ക് സമർപ്പിച്ചിട്ടുണ്ട്. സാരി അയോദ്ധ്യയിലെ രാമക്ഷേത്രത്തിലേക്ക് അയക്കും. ആവശ്യപ്പെടുകയാണെങ്കിൽ എല്ലാ രാമക്ഷേത്രത്തിലേക്കും ഞങ്ങൾ അത് സൗജന്യമായി അയയ്ക്കും’- അദ്ദേഹം കൂട്ടിച്ചേർത്തു.
Discussion about this post