കൊളംബോ: സമുദ്രാതിര്‍ത്തി ലംഘിച്ചു എന്നാരോപിച്ച് 18 ഇന്ത്യന്‍ മത്സ്യത്തൊഴിലാളികളെ കൂടി ശ്രീലങ്കന്‍ നാവികസേന അറസ്റ്റ് ചെയ്തു. 10 തൊഴിലാളികളെ കഴിഞ്ഞ ദിവസം അറസ്റ്റ് ചെയ്തിരുന്നു. മത്സ്യത്തൊഴിലാളികളില്‍ നിന്ന് ട്രോളറുകള്‍ പിടിച്ചെടുത്തിട്ടുണ്ട്. ഈ മാസം നടന്ന മൂന്നാമത്തെ സംഭവമാണിത്.
മത്സ്യത്തൊഴിലാളികളെ അറസ്റ്റ് ചെയ്യുകയും അവരുടെ രണ്ട് ട്രോളറുകള്‍ വടക്കുകിഴക്കന്‍ മാന്നാര്‍ തീരത്ത് നിന്ന് ചൊവ്വാഴ്ച പിടിച്ചെടുക്കുകയും ചെയ്തതായി ശ്രീലങ്കന്‍ നാവികസേന അറിയിച്ചു.
10 തൊഴിലാളികളെ കഴിഞ്ഞ ദിവസം അറസ്റ്റ് ചെയ്തിരുന്നു. പിടികൂടിയ 18 മത്സ്യത്തൊളികളെ മാന്നാറിലെ തല്‍പ്പാട് കടവില്‍ എത്തിച്ച ശേഷം തുടര്‍നടപടികള്‍ക്കായി തലൈമന്നാര്‍ ഫിഷറീസ് ഇന്‍സ്പെക്ടര്‍ക്ക് കൈമാറും.
ഞായറാഴ്ച, സമുദ്രാതിര്‍ത്തി ലംഘിച്ചു എന്നാരോപിച്ച് പത്തോളം ഇന്ത്യന്‍ മത്സ്യത്തൊഴിലാളികളെ അറസ്റ്റ് ചെയ്യുകയും അവരുടെ ട്രോളര്‍ പിടിച്ചെടുക്കുകയും ചെയ്തിരുന്നു. 2023ല്‍ 240 ഇന്ത്യന്‍ മത്സ്യത്തൊഴിലാളികളെയാണ് സമുദ്രാതിര്‍ത്തി ഭേദിച്ചു എന്നാരോപിച്ച് ശ്രീലങ്കന്‍ നാവികസേന പിടികൂടിയത്. ഇവരില്‍നിന്നായി 35 ബോട്ടുകളും പിടിച്ചെടുത്തിരുന്നു
Discussion about this post