തിരുവനന്തപുരം: നടി പ്രവീണയുടെ ചിത്രങ്ങൾ മോർഫ് ചെയ്ത് പ്രചരിപ്പിച്ച സംഭവത്തിൽ യുവാവ് അറസ്റ്റിൽ. തമിഴ്‌നാട് തിരുനെൽവേലി സ്വദേശി ഭാഗ്യരാജ് ആണ് അറസ്റ്റിലായത്. ഡൽഹിയിൽ നിന്നാണ് ഇയാൾ പിടിയിലായത് എന്ന് പോലീസ് അറിയിച്ചു.
പ്രവീണയുടെ മോർഫ് ചെയ്ത ചിത്രങ്ങൾ പ്രചരിപ്പിച്ച സംഭവത്തിൽ രണ്ടാമത്തെ തവണയാണ് ഭാര്യരാജ് അറസ്റ്റിലാകുന്നത്. നേരത്തെ അറസ്റ്റിലായ ഇയാൾ ജാമ്യത്തിലിറങ്ങിയ ശേഷം വീണ്ടും ചിത്രങ്ങൾ പ്രചരിപ്പിക്കാൻ ആരംഭിക്കുകയായിരുന്നു. ഇത് ശ്രദ്ധയിൽപ്പെട്ടതോടെ നടി വീണ്ടും പരാതിയുമായി പോലീസിനെ സമീപിച്ചിരുന്നു. ഇതേ തുടർന്നായിരുന്നു നടിയെ അറസ്റ്റ് ചെയ്തത്.
2021 ലായിരുന്നു ആദ്യ പരാതിയിൽ ഭാഗ്യരാജ് അറസ്റ്റിലായത്. സമൂഹമാദ്ധ്യമങ്ങളിൽ നിന്നും ഡൗൺലോഡ് ചെയ്ത ചിത്രങ്ങൾ ആയിരുന്നു ഇയാൾ പ്രചരിപ്പിച്ചിരുന്നത്. ഈ കേസിൽ അറസ്റ്റിലായ ഭാഗ്യരാജ് മൂന്ന് മാസത്തോളമാണ് റിമാൻഡിൽ കഴിഞ്ഞത്.
Discussion about this post