ചെന്നൈ:തമിഴ് താരം വിജയ് ഉടന്‍ തന്നെ രാഷ്ട്രീയ പ്രവേശനം നടത്തുമെന്ന് സൂചന . രാഷ്ട്രീയ പാര്‍ട്ടി രജിസ്റ്റര്‍ ചെയ്യാന്‍ ഒരുങ്ങുന്നതായുള്ള റിപ്പോര്‍ട്ടുകളാണ് ഇപ്പോള്‍ പുറത്തു വന്നിരിക്കുന്നത്. വ്യാഴാഴ്ച്ച ചെന്നൈയില്‍ നടന്ന ഫാന്‍സ് ക്ലബ്ബായ വിജയ് മക്കള്‍ ഇയക്കം സംഘടനയുടെ പൊതുയോഗത്തില്‍ താരത്തിന് പാര്‍ട്ടി രജിസ്റ്റര്‍ ചെയ്യാനും അതിന്റെ അദ്ധ്യക്ഷനാകാനും യോഗം അനുമതി നല്‍കിയിരുന്നു . ഇതിനുപിന്നാലെയാണ് ഈ തീരുമാനം .
ലോക്‌സഭ തിരഞ്ഞെടുപ്പിന് മാസങ്ങള്‍ക്ക് മുന്‍പാണ് താരത്തിന്റെ പാര്‍ട്ടി പ്രവേശന വിവരം പുറത്തുവന്നിരിക്കുന്നത്.താരത്തിന്റെ രാഷ്ട്രീയ പ്രവേശനം ചര്‍ച്ചയാകാന്‍ തുടങ്ങിയിട്ട് വര്‍ഷങ്ങളായി .എന്നാല്‍ ഇപ്പോഴാണ് അതിനെ കുറിച്ചുള്ള വിവരങ്ങള്‍ പുറത്തു വരുന്നത്. താരത്തിന്റെ ഈ രാഷ്ട്രീയ അരങ്ങേറ്റം തമിഴകം മാത്രമല്ല രാജ്യം മുഴുവനും ഉറ്റ് നോക്കുന്നതായി മാറും .
വിജയ് അടുത്തകാലത്തായി വിവിധ ജനക്ഷേമ പ്രവര്‍ത്തനങ്ങള്‍ നടത്തിവരുന്നുണ്ട്. 2018-ല്‍ തൂത്തുക്കുടി പോലീസ് വെടിവെപ്പില്‍ മരിച്ചവരുടെ കുടുംബാംഗങ്ങളെ അദ്ദേഹം സന്ദര്‍ശിച്ചിരുന്നു. കൂടാതെ ഡിസംബറില്‍ വെള്ളപ്പൊക്കത്തില്‍ തകര്‍ന്ന തമിഴ്നാട്ടിലെ തെക്കന്‍ ജില്ലകളിലും ദുരിതബാധിതര്‍ക്ക് ദുരിതാശ്വാസ സാമഗ്രികള്‍ എത്തിക്കാന്‍ താരം എത്തിയിരുന്നത് വലിയ വാര്‍ത്തയായിരുന്നു. ഇത് താരത്തിന്റെ രാഷ്ട്രീയ അരങ്ങേറ്റത്തിന്റെ സൂചിപ്പിക്കുന്നതയാണ് റിപ്പോര്‍ട്ടുകള്‍. സൂപ്പര്‍സ്റ്റാറിന്റെ ആരാധക കൂട്ടായ്മയായ വിജയ് മക്കള്‍ ഇയക്കം രാഷ്ട്രീയ പരിപാടികളില്‍ സജീവമാണ്, കൂടാതെ തമിഴ്നാട് തദ്ദേശ തെരഞ്ഞെടുപ്പിലും മത്സരിച്ചിട്ടുണ്ട്.
2026ല്‍ തന്റെ രാഷ്ട്രീയ അരങ്ങേറ്റം ഉണ്ടാകുമെന്ന് നടന്‍ വിജയ് നേരത്തെ സൂചിപ്പിച്ചിരുന്നു. പാര്‍ട്ടി രജിസ്റ്റര്‍ ചെയ്യാന്‍ എത്രയും വേഗം ആരംഭിക്കണമെന്ന് അദ്ദേഹത്തിന്റെ ആരാധകര്‍ അദ്ദേഹത്തോട് ആവശ്യപ്പെട്ടിരുന്നു.
Discussion about this post