ബത്തേരി: ബിജെപി സംസ്ഥാന അദ്ധ്യക്ഷൻ നയിക്കുന്നസുരേന്ദ്രൻ നയിക്കുന്ന കേരള പദയാത്ര ഇന്ന് വയനാട്ടിൽ.ഉച്ചകഴിഞ്ഞ് മൂന്നിന് കൽപ്പറ്റ പുതിയ സ്റ്റാൻഡിൽനിന്ന് മുട്ടിലിലേക്കാണ് പദയാത്ര. പദയാത്രയെ ബിജെപി എൻഡിഎ സംസ്ഥാന, ജില്ലാ നേതാക്കൾ അടക്കം അനുഗമിക്കും.
ഇന്നലെ കണ്ണൂരിലായിരുന്നു പദയാത്ര നടത്തിയത്. മോദിയുടെ ഗാരന്റി പുതിയ കേരളം എന്ന മുദ്രാവാക്യവുമായിട്ടാണ് പദയാത്ര നടത്തുന്നത്.പറശ്ശിനിക്കടവ് മുത്തപ്പൻ ക്ഷേത്രത്തിൽ ദർശനം നടത്തിയ ശേഷമാണ് സുരേന്ദ്രൻ കണ്ണൂർ പാർലമെന്റ് മണ്ഡലത്തിലെ പര്യടനം ആരംഭിച്ചത്.
കേന്ദ്ര സർക്കാർ പദ്ധതികളുടെ ഗുണഭോക്താക്കളുടെ പരിപാടിയിലും സാമൂഹിക-സാംസ്കാരിക നേതാക്കളുടെ സംഗമത്തിലും അദ്ദേഹം പങ്കെടുത്തു. കണ്ണൂർ സെൻട്രൽ ജയിലിലുള്ള പാർട്ടി പ്രവർത്തകരെയും ജാഥാനായകൻ സന്ദർശിച്ചു.
വൈകീട്ട് മൂന്ന് മണിക്ക് ടൗൺ സ്ക്വയറിൽ നടന്ന വമ്പൻ സമ്മേളനം നടനും ബിജെപി നേതാവുമായ സുരേഷ് ഗോപി ഉദ്ഘാടനം ചെയ്തു. ആയിരക്കണക്കിന് പേർ അണിനിരന്ന കേരള പദയാത്ര ജനങ്ങളുടെ ഹാർദ്ദമായ സ്വീകരണങ്ങൾ ഏറ്റുവാങ്ങി പുതിയതെരുവിൽ സമാപിച്ചു.
