ന്യൂഡൽഹി: രണ്ടാം മോദി സർക്കാരിന്റെ അവസാന ബജറ്റ് ഇന്ന് അവതരിപ്പിക്കും. തിരഞ്ഞെടുപ്പ് നടക്കാനിരിക്കെ ഇടക്കാല ബജറ്റാണ് ധനമന്ത്രി നിർമ്മല സീതാരാമൻ അവതരിപ്പിക്കുക. രാവിലെ 11 മണിക്കാണ് ബജറ്റ് അവതരണം ആരംഭിക്കുക. തിരഞ്ഞെടുപ്പിന് ശേഷം അധികാരത്തിലെത്തുന്ന പുതിയ സർക്കാരാണ് പൂർണ ബജറ്റ് അവതരിപ്പിക്കുക. നാരീശക്തിക്ക് പ്രാധാന്യം നൽകിക്കൊണ്ട് കൂടുതൽ പ്രഖ്യാപനങ്ങൾ ഉണ്ടായേക്കുമെന്നാണ് കരുതുന്നത്.
സ്വതന്ത്ര്യ ഇന്ത്യയുടെ 92-ാം ബജറ്റ് ആയിരിക്കും നാളെ ധനമന്ത്രി നിർമല സീതാരാമൻ അവതരിപ്പിക്കുക. ഇത്തവണത്തേത് ഇടക്കാല ബജറ്റ് ആയിരിക്കും. ഇന്ത്യയിൽ ഇതുവരെ 77 സാധാരണ ബജറ്റുകളും 14 ഇടക്കാല ബജറ്റുകളുമാണ് അവതരിപ്പിച്ചിട്ടുള്ളത്.
പാർലമെൻറ് സമ്മേളത്തിൽ രാഷ്ട്രപതി ദ്രൗപദി മുർമു ഇരുസഭകളുടെയും സംയുക്ത സമ്മേളനം അഭിസംബോധന ചെയ്തിരുന്നു.
Discussion about this post