ന്യൂഡൽഹി: വികസിതഭാരതമെന്ന ലക്ഷ്യത്തിന് ദിശാബോധം നൽകുന്ന ബജറ്റാണ് കേന്ദ്ര ധനമന്ത്രി നിർമലാ സീതാരാമൻ അവതരിപ്പിച്ചതെന്ന് കേന്ദ്ര മന്ത്രി വി മുരളീധരൻ. അടിസ്ഥാന സൗകര്യത്തിന് ൗന്നൽ നൽകുന്നതാണ് ബജറ്റ്. ടൂറിസം മേഖലയിൽ പലിശ രഹിത വായ്പയുടെ ആനുകൂല്യങ്ങൾ പ്രഖ്യാപിച്ചിട്ടുണ്ടെന്നും അദ്ദേഹം പറഞ്ഞു.
ഒരു കോടി വീടുകൾക്ക് സൗജന്യമായ സൗരരോർജ പാനലുകൾ ലഭ്യമാക്കുന്ന പദ്ധതിയും പ്രഖ്യാപിച്ചിരിക്കുന്നു. പാവപ്പെട്ടവർക്കും യുവാക്കൾക്കും കർഷകർക്കും മുൻതൂക്കം നൽകുന്നതാണ് ഇടക്കാല ബജറ്റ്. സ്ത്രീകൾ നയിക്കുന്ന സമ്പദ് വ്യവസ്ഥയെന്ന പ്രധാനമന്ത്രിയുടെ പ്രഖ്യാപനത്തെ മുന്നോട്ട് നയിക്കുന്ന ബജറ്റാണ് ധനമന്ത്രി അവതരിപ്പിച്ചതെന്നും അദ്ദേഹം വ്യക്തമാക്കി.
അടിസ്ഥാന സൗകര്യരത്തിന് പ്രധാന്യം കൊടുക്കുന്ന ബജറ്റാണ് അവതരിപ്പിച്ചത്. 2047 ലെ വികസിത ഭാരതം എന്ന ലക്ഷ്യത്തിന് ദിശാബോധം നൽകുന്ന ബജറ്റാണ് ഇതെന്നും വി മുരളീധരൻ കൂട്ടിച്ചേർത്തു.
Discussion about this post