ന്യൂഡൽഹി: ഗ്രാമി അവാർഡിൽ തിളങ്ങി ഇന്ത്യ.ശങ്കർ മഹാദേവന്റെയും സക്കീർ ഹുസൈന്റെയും ഫ്യൂഷൻ ബാൻഡ് ‘ശക്തി’ക്കു മികച്ച ഗ്ലോബൽ മ്യൂസിക് ആൽബത്തിനുള്ള 2024 ഗ്രാമി അവാർഡ്. ‘ദിസ് മൊമെന്റ്’ എന്ന അവരുടെ ഏറ്റവും പുതിയ ആൽബത്തിനാണ് അവാർഡ്. ജോൺ മക്ലാഫ്ലിൻ, സക്കീർ ഹുസൈൻ, ശങ്കർ മഹാദേവൻ, വി സെൽവഗണേഷ് (താളവാദ്യ വിദഗ്ധൻ), ഗണേഷ് രാജഗോപാലൻ, ഗണേഷ് രാജഗോപാലൻ എന്നിവരുൾപ്പെടെ സംഘമാണ് ‘ദിസ് മൊമെന്റ്’ എന്ന ആൽബത്തിന് പിന്നിൽ.
ഓടക്കുഴൽ വിദഗ്ധൻ രാകേഷ് ചൗരസ്യക്കും പുരസ്‌കാരമുണ്ട്.
അമേരിക്കൻ ഹാസ്യനടനായ ട്രെവർ നോഹയാണ് തുടർച്ചയായ നാലാം വർഷവും ഗ്രാമി പുരസ്‌കാര ചടങ്ങിന്റെ അവതകാരൻ.ലൊസാഞ്ചലസിലാണ് ഗ്രാമി പുരസ്‌കാരദാനം നടക്കുന്നത്.
2022 ഒക്ടോബർ 1 മുതൽ 2023 സെപ്തംബർ 15 വരെയുള്ള കാലയളവിലുള്ള പാട്ടുകളാണ് വിവിധ കാറ്റഗറികളിലായി മത്സരിച്ചത്. അതിൽ മികച്ച സോളോ പോപ് പെർഫോമൻസിനുള്ള അവാർഡ് ബില്ലി എലിഷിനെയും ടെയിലർ സ്വിഫ്റ്റിനെയും പിന്നിലാക്കി മിലി സൈറസ് സ്വന്തമാക്കി. ടെയ്‌ലർ സ്വിഫ്റ്റിന്റെ ‘മിഡ്നൈറ്റ്‌സ്’ മികച്ച ആൽബമായി തിരഞ്ഞെടുക്കപ്പെട്ടു.
ഈ വർഷത്തെ മികച്ച കൺട്രി ആൽബമായി ലെയ്നി വിൽസൺന്റെ ബെൽ ബോട്ടം കൺട്രിയും, മികച്ച അർബൻ ആൽബമായി കരോൾ ജിയുടെ മാനാനാ സെറ ബോണിട്ടോയും (Karol G – Mañana Será Bonito) തിരഞ്ഞെടുക്കപ്പെട്ടു.
